QR Mádenıet jáne aqparat mınıstrligi Din isteri komıtetiniń arnaıy jobasy aıasynda Qaraǵandy oblysynda din isteri basqarmasynyń qoldaýymen, bekitilgen jospar boıynsha, 2024 jyldyń 9-13 qyrkúıek aralyǵynda din máseleleri boıynsha respýblıkalyq aqparattyq-túsindirý tobynyń (budan ári – RATT) músheleri qoǵamda dástúrli rýhanı-adamgershilik qundylyqtardy qalyptastyrý jáne dinı ekstremızmniń aldyn alý baǵytynda semınarlar men ártúrli formattaǵy is-sharalar ótkizdi, dep habarlaıdy Egemen.kz.
Bul is-sharalarǵa RATT músheleri (teologtar, dintanýshylar) qatysty:
Roza Soltan – Aqmola oblysy, «Konfessııaaralyq qatynastardy taldaý jáne damytý ortalyǵy» KMM teolog mamany; Tolǵanaı Mustafına – Astana qalasy, dintanýshy, «Qoǵamdyq prosesterdi zertteý jáne taldaý ortalyǵy» qoǵamdyq qorynyń jetekshisi. L.N. Gýmılev atyndaǵy EUÝ dintaný ǵ.PhD d.; Talshyn Qojahmetova – Astana qalasy, «Dinderdi zertteý ortalyǵy» JShS, teolog mamany; Rýzalııa Nýrmıeva – Qaraǵandy oblysy, «Azamattyq bastamalar ortalyǵy» qoǵamdyq birlestiginiń dintanýshysy.2024 jylǵy 9-13 qyrkúıek aralyǵynda is-sharalardy uıymdastyrý barysynda Qaraǵandy, Shahtınsk, Temirtaý qalalary, Abaı, Buqar jyraý aýdandarynyń turǵyndarymen, meshittegi áıel jamaǵatymen, ustazdarmen, jastarmen, emhana jáne kitaphana qyzmetkerlerimen jáne t.b. «Internet jelisindegi kúmándi saıtardyń qaýpin túsindirý», «Din men dástúrdiń qoǵamdaǵy orny», «Rýhanı kelisim – qoǵamnyń basty qundylyǵy», jáne t.b.taqyryptar aıasynda kezdesýler ótkizildi.