Atyraýda veterınarlyq baqylaý jáne qadaǵalaý ınspeksııasynyń basshysy jeke kásipkerlik dırektorynan birneshe ret para alǵan, dep habarlaıdy Egemen.kz.
Sheneýnik sybaılas jemqorlyq qylmysy úshin 7,5 jylǵa sottaldy.
«Oblys boıynsha Veterınarlyq baqylaý jáne qadaǵalaý ınspeksııasynyń basshysy laýazymdy tulǵa bola tura, birneshe ret JK dırektorynan 1,4 mln teńge jáne jalpy qamqorlyǵy úshin ShQ basshysynan 500 myń teńge para alǵan. Sonymen birge BQO ınspeksııasynyń bas mamanymen jáne veterınarlyq ınspektorymen aldyn ala sóz baılasý arqyly JK dırektorynan jalpy qamqorlyǵy úshin 1,8 mln teńge para alýdy uıymdastyrǵan.
JK dırektory jáne ShQ basshysy QR shekarasynda kóliktiń zańsyz qozǵalysy úshin para retinde 3,3 mln teńge men 500 myń teńgeni jeke ózderi bergen. Sottalýshylardyń kinási sottalýshylardyń, kýálardyń aıǵaqtarymen, aqsha qarajatyn aýdarý týraly túbirtektermen, tergeý áreketteriniń beınejazbalarymen, mamandardyń qorytyndylarymen dáleldendi» dep jazdy sottan.
Sottalýshylardyń asyraýynda kámeletke tolmaǵan balalardyń bolýy, kinálaryn moıyndaýy – jaza men qylmystyq jaýaptylyqty jeńildetetin mán-jaı retinde tanyldy, aýyrlatatyn mán-jaı retinde qabyldaǵan antty buzýy tanyldy.
Sottalýshylar taǵylǵan aıyp boıynsha kináli dep tanyldy. Inspeksııa basshysy 7 jyl 6 aıǵa bas bostandyǵynan aıyryldy.
Bas maman men veterınarlyq ınspektorǵa para somasynyń 60 eselengen mólsherinde aıyppul taǵyldy. JK jáne ShQ basshylaryna – para somasynyń 26 eselengen mólsherinde aıyppul salyndy. Barlyǵy memlekettik qyzmette jáne memlekettik uıymdarda qyzmet atqarý quqyǵynan ómir boıyna aıyryldy.
Sot úkimi zańdy kúshine engen joq.