Elimizdegi 2,5 myńǵa jýyq mektep tekseriledi. Atalǵan tekseris bilim sapasyn qamtamasyz etý boıynsha júrgizilmek. Bul týraly Oqý-aǵartý mınıstrligi habarlady.
Mınıstrliktiń taratqan aqparatyna súıensek, bilim salasynda sapany qamtamasyz etý komıteti jyl sońyna deıin profılaktıkalyq baqylaý júrgizý úshin 2 487 bilim berý uıymyn anyqtaǵan. Osyǵan deıin, anyǵy jańa oqý jylynyń basynda bilim berý salasyndaǵy sapany qamtamasyz etý jónindegi aýmaqtyq departamentter 422 bilim berý uıymynda baqylaý-baǵalaý is-sharalaryn júrgizgen edi. Ol oqý úderisindegi problemalardy anyqtaýǵa, oqý úderisiniń memlekettik jalpy bilim berý standarty men biliktilik talaptaryna sáıkestigin anyqtaýǵa baǵyttaldy.
Bilim salasynda sapany qamtamasyz etý komıtetiniń tóraǵasy Ernur Dáýenov osy is-sharaǵa qatysty: «О́tken jyly komıtet pen onyń aýmaqtyq departamentteri 2 624 bilim berý uıymynda túrli tekserý júrgizdi, onyń ishinde memlekettik attestattaý, profılaktıkalyq baqylaý, shaǵymdar boıynsha jospardan tys tekserýler boldy. Tekserý nátıjesinde muǵalimderdiń biliktiligin arttyrý kýrstarynyń ýaqtyly aıaqtalmaýy, mektepterdiń materıaldyq-tehnıkalyq bazasynyń talapqa saı qamtamasyz etilmeýi faktileri anyqtaldy», dep túsindirdi.
Negizi monıtorıng jasaý, sondaı-aq baǵalaý qyzmeti – bilim berý qyzmetiniń sapasyn, bilim berý úderisine qatysýshylardyń quqyqtary men qaýipsizdigin qorǵaýdy qamtamasyz etý maqsatynda júrgiziletin jumys.