Densaýlyq saqtaý mınıstri Aqmaral Álnazarova QR Prezıdentiniń janyndaǵy Adam quqyqtary jónindegi komıssııanyń otyrysynda Qazaqstanda jyl saıyn beıneendoskopııalyq jabdyqty paıdalana otyryp, hımıoterapııamen úılesimde 30 myńǵa jýyq onkologııalyq operasııa jasalatatynyn, osynyń nátıjesinde ólim-jitim tómendeginin aıtty, dep habarlaıdy Egemen.kz.
Semeı qalasynda elimizde alǵash ret radıonýklıdtik terapııa engizilgen Iаdrolyq medısına ortalyǵy ashyldy.
«Súıek onkopatologııasy kezinde ınnovasııalyq 3-D protezdeý sátti qoldanylady. Jyl saıyn 12 myńnan astam pasıent sáýlelik terapııa (tomoterapııa, stereotaksıs, IMRT, IGRT) alady. 2024 jyldyń 7 aıynyń qorytyndysy boıynsha ótken jyldyń sáıkes kezeńimen salystyrǵanda QR-da qaterli isikterden bolatyn ólim 3,2%-ǵa tómendedi» dedi mınıstr.
Sondaı-aq onyń aıtýynsha elimizde kardıologııa, kardıohırýrgııa, nevropatologııa, neırohırýrgııa, travmatologııa, ortopedııa sııaqty 7 beıin boıynsha pasıentterge medısınalyq ońaltý júrgiziledi. 2024 jyldan bastap qaterli isikteri bar pasıentterdi ońaltý engizilgen.
2023 jyly barlyǵy 208 myń pasıent medısınalyq ońaltýdan ótken.