Taldyqorǵan tórinde halyq ártisi, KSRO jáne Qazaqstannyń Memlekettik syılyǵynyń ıegeri, kórnekti teatr jáne kıno aktrısasy Bıken Rımova atyndaǵy Halyqaralyq teatr festıvali ótedi.
Festıvaldiń maqsaty – teatr ujymdary arasyndaǵy shyǵarmashylyq baılanysty nyǵaıtý jáne halyqaralyq teatr úderisine ıntegrasııalaý. Qazaqtyń kórnekti teatr jáne kıno aktrısasy Bıken Yrymqyzyn máńgi este qaldyrý. Estetıkalyq deńgeıdi arttyrý jáne kásibı qarym-qatynas qurý, seriktestik pen birlesken shyǵarmashylyq jobalardyń paıda bolýyna jaǵdaı jasaý. Festıval aıasynda jas rejısserlerdiń, akterlerdiń, dramatýrgterdiń, sýretshilerdiń jańa býynyn anyqtaý jáne qoldaý bolyp tabylady.
Festıval 2024 jyldyń 7-10 qazan aralyǵynda ótedi. Ekinshi márte uıymdastyrylǵaly jatqan is-sharaǵa 8 teatr qatysady. Atap aıtsaq: Jambyl oblystyq orys drama teatry, V.Gýnııa atyndaǵy Potı memlekettik drama teatry, S.Qojamqulov atyndaǵy Ulytaý oblysynyń qazaq mýzykalyq-drama teatry, Túrkııanyń Erzýrým memlekettik teatry, H.Bókeeva atyndaǵy oblystyq qazaq drama teatry, Q.Jantóshev atyndaǵy Ystyqkól oblystyq mýzykalyq drama teatry, B.Omarov atyndaǵy «Jas sahna» teatry.
Onyń uıymdastyrýshylary – Jetisý oblysynyń ákimdigi, «Jetisý oblysynyń mádenıet, arhıvter jáne qujattama basqarmasy» MM «Bıken Rımova atyndaǵy Taldyqorǵan drama teatry» MKQK.