Tótenshe jaǵdaılar mınıstrligi Qaraǵandy oblysyndaǵy dala órtin sóndirý boıynsha qajetti sharalar qabyldanyp jatqanyn málimdedi, dep jazady Egemen.kz.
Mınıstrliktiń aıtýynsha, qazirgi ýaqyttaǵy oblystaǵy Aıyr, Shóptikól, Qyzylshilik, Atantaı, Terekti eldi mekenderine órt qaýipi tónip turǵan joq.
Al Tótenshe jaǵdaılar vıse-mınıstri Erlan Nurpeıisov qazir Qaraǵandy oblysynda júr. Dalalyq órt sóndirý shtabtary jumysyn jalǵastyryp jatyr.
« Ashyq aýmaqta aldyn ala aqparat boıynsha aýdany 35 myń gektar jerdegi qurǵaq shóp otqa orandy. Qatty ekpindi jel, taýly jerler jáne órt oshaqtaryna kirme joldardyń bolmaýy órtti sóndirý jumystaryn qıyndatyp tur. О́rtti sóndirýge Qaraǵandy oblysy TJD jáne jergilikti atqarýshy organdarynyń kúshteri men quraldarynan 386 adam, 64 birlik tehnıka, QR TJM men Qorǵanys mınıstrliginiń áýe kemeleri jumyldyryldy. Olar 4 jaýyngerlik ýchaskege bólinip, órtti sóndirýge jumystanyp jatyr», delingen vedomstvo habarlamasynda.
Búgin 18:30-daǵy jaǵdaı boıynsha áýe kemeleri órt oshaqtaryna 30 ret 50-den astam tonna kóleminde sý tókken.
Ulttyq ulan, Kývskıı ormanshylyǵynan, jergilikti atqarýshy organdardan, Qaraǵandy jáne Aqmola oblystary TJD, QR TJM 52859 áskerı bóliminen qosymsha kúshter men quraldar jiberilgen. Qarqaraly aýdanynda 2 birlik jyljymaly tamaqtaný pýnkti jasaqtalyp, azyq-túlik jáne ózge de kerek- jaraq qamtamasyz etilgen.
Qaraǵandy oblysy TJD 8 721 2 51 72 23 jedel jeli telefony jumys istep tur.
Aıta keteıik, Qaraǵandy jáne Pavlodar oblystarynyń shekara aýmaǵyndaǵy órttiń jalpy aýdany 45 myń ga qurady.
Buǵan deıin Tótenshe jaǵdaılar mınıstrligi Pavlodar oblysyndaǵy dala órti aldyn ala 10 myń ga alqapta oqshaýlanǵanyn habarlaǵan edi.