Tıisti buıryq osy aıdyń 8-i, ıaǵnı kúni keshe ǵana kúshine endi, dep jazady Egemen.kz.
Egin jınaý maýsymynda alma shetelden ákelinip, otandyq baǵbandar ónimderin ótkize almaı qınalǵan edi. Endi jınalǵan ónimdi saqtaýǵa jáne ony qolaıly baǵamen satýǵa múmkindik berilip otyr. Al maýsymaralyq kezeńde alma ımporty shektelmeıdi.
«Syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııa 2024 jylǵy 31 jeltoqsanǵa deıin avtomobıl kóligimen úshinshi elderden alma ákelýge tyıym salýdy engizýdi maquldady», delingen Aýyl sharýashylyǵy mınıstrliginiń habarlamasynda.
Shekteý EAEO-ǵa múshe memleketterden alma ákelýge jáne Qazaqstan aýmaǵy arqyly halyqaralyq alma tranzıtine áser etpeıdi.