Almaty qalasynda Afrıka elderinen kelgen alty jáne kórshiles memleketterden kelgen bir azamat anyqtalǵan, dep habarlaıdy Egemen.kz.
Shet memleketten kelgen azamattardyń qujattary bolmaǵan, sondaı-aq olar jeke qurylys alańynda, meıramhanada jáne kólik jýý ornynda zańsyz jumys istegen.
«Sheteldikterdiń jeke basyn kýálandyratyn qujattary bolmaǵan. Olar Qazaqstan Respýblıkasynyń kóshi-qon zańnamasyn buzǵany úshin ákimshilik jaýapkershilikke tartylyp, elden shyǵarylady», dedi Almaty qalalyq PD Kóshi-qon qyzmeti basqarmasynyń bastyǵy Ashat Býtýnchınov.
Sonymen qatar kóshi-qon qyzmeti basqarmasynyń bastyǵy osy kúnderi Almatyda jedel jaǵdaıdy jaqsartýǵa, qoǵamdyq tártipti, jol qaýipsizdigin qamtamasyz etýge, zańsyz kóshi-qonnyń jáne basqa da zańsyz áreketterdiń jolyn kesýge baǵyttalǵan «Ýchastok» jedel-aldyn alý is-sharasy ótkizilip jatqanyn eske saldy.