Básekelestikti qorǵaý jáne damytý agenttiginiń Astana qalasy boıynsha departamenti «Nursultan Nazarbaev halyqaralyq áýejaıy» AQ-ǵa qatysty QR básekelestikti qorǵaý salasyndaǵy zańnamasyn buzýǵa jol bermeý týraly eskertý jasady, dep habarlaıdy Egemen.kz.
Buǵan deıin áýejaıdyń Instagram-daǵy resmı paraqshasynda aqyly avtoturaq aımaqtarynda tarıfterdiń ósýi týraly aqparat jarııalanǵan edi.
Sonymen qatar buqaralyq aqparat quraldarynda turaq keńistiginiń qymbattaǵany týraly habarlanǵan.
Astana qalasy boıynsha BQDA departamentiniń eskertýi nátıjesinde «Nursultan Nazarbaev halyqaralyq áýejaıy» AQ aqyly turaq aımaqtarynda baǵanyń ósýine jol bermeý jóninde sharalar qabyldanǵan.