2014 jylǵy 25 shilde, Astana qalasy
Sport túri boıynsha Qazaqstan Respýblıkasynyń qurama jáne shtattyq qurama komandalarynyń (sport túri boıynsha ulttyq qurama komandalardyń) quramyn qalyptastyrý qaǵıdalaryn bekitý týraly
Qazaqstan Respýblıkasynyń 2014 jylǵy 3 shildedegi «Dene shynyqtyrý jáne sport týraly» Zańynyń 7-baby 31) tarmaqshysyna sáıkes, buıyramyn:
1. Qosa berilip otyrǵan Sport túri boıynsha Qazaqstan Respýblıkasynyń qurama jáne shtattyq qurama komandalarynyń (sport túri boıynsha ulttyq qurama komandalardyń) quramyn qalyptastyrý qaǵıdalary bekitilsin;
2. Strategııalyq damý departamenti (D.Ú. Qamzebaeva) zańnamada belgilengen tártippen:
1) Qazaqstan Respýblıkasy Ádilet mınıstrligine osy buıryqty memlekettik tirkeýge usynýdy;
2) osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalaýdy, sonymen qatar Qazaqstan Respýblıkasy Sport jáne dene shynyqtyrý isteri agenttiginiń resmı ınternet-resýrsynda jarııalaýdy qamtamasyz etsin.
3. Mynalar kúshi joıyldy dep tanylsyn:
1) «Qazaqstan Respýblıkasynyń qurama komandalaryn jasaqtaý men daıarlaýdy uıymdastyrý jónindegi nusqaýlyqty bekitý týraly» Qazaqstan Respýblıkasy Týrızm jáne sport mınıstriniń 2011 jylǵy 24 tamyzdaǵy № 02-02-18/169 buıryǵy (Normatıvtik quqyqtyq aktilerdi memlekettik tirkeý tiziliminde № 7193 bolyp tirkelgen, 2011 jyl 18 qazan № 501-502 (26894) «Egemen Qazaqstan» gazetinde jarııalanǵan);
2) «Qazaqstan Respýblıkasynyń qurama komandalaryn jasaqtaý men daıarlaýdy uıymdastyrý jónindegi nusqaýlyqty bekitý týraly» «Qazaqstan Respýblıkasy Týrızm jáne sport mınıstriniń 2011 jylǵy 24 tamyzdaǵy № 02-02/18/169 buıryǵyna tolyqtyrýlar engizý týraly» Qazaqstan Respýblıkasy Sport jáne dene shynyqtyrý isteri agenttigi tóraǵasynyń 2013 jylǵy 04 qyrkúıektegi № 318 buıryǵy (Normatıvtik quqyqtyq aktilerdi memlekettik tirkeý tiziliminde № 8764 bolyp tirkelgen, 2013 jylǵy 31 qazandaǵy № 243 (28182) «Egemen Qazaqstan» gazetinde jarııa etilgen).
4. Osy buıryqtyń oryndalýyn baqylaý Qazaqstan Respýblıkasy Sport jáne dene shynyqtyrý isteri agenttigi Tóraǵasynyń orynbasary E.B. Qanaǵatovqa júktelsin.
5. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Sport jáne dene shynyqtyrý
isteri agenttiginiń tóraǵasy T.ESENTAEV.
Qazaqstan Respýblıkasy Sport jáne dene shynyqtyrý isteri agenttigi tóraǵasynyń 2014 jylǵy 25 shildedegi № 289 buıryǵymen bekitildi
Sport túri boıynsha Qazaqstan Respýblıkasynyń qurama jáne shtattyq qurama komandalarynyń (sport túri boıynsha ulttyq qurama komandalardyń) quramyn qalyptastyrý qaǵıdalary
1. Jalpy erejeler
1. Osy Sport túri boıynsha Qazaqstan Respýblıkasynyń qurama jáne shtattyq qurama komandalarynyń (sport túri boıynsha ulttyq qurama komandalardyń) quramyn qalyptastyrý qaǵıdalary (budan ári – Qaǵıda) Qazaqstan Respýblıkasynyń 2014 jylǵy 3 shildedegi «Dene shynyqtyrý jáne sport týraly» Zańynyń 7-baby 31) tarmaqshysyna sáıkes ázirlengen.
2. Osy Qaǵıdada mynadaı uǵymdar qoldanylady:
1) aǵa jattyqtyrýshy - Qazaqstan Respýblıkasynyń qurama komandalarynyń negizgi jastar (rezervtik) quramasynyń daıarlyǵy úshin jaýap beretin jattyqtyrýshy;
2) jattyqtyrýshylar keńesi - sportshylar men komandalardy sport jarystaryna qatysýǵa daıarlaý ádistemesine usynymdar ázirleý úshin bas jattyqtyrýshy, memlekettik jattyqtyrýshy, oblystardyń aǵa jattyqtyrýshylardan, sport túrleri boıynsha qurama komandalardyń dárigerlerinen, dene shynyqtyrý jáne sport salasyndaǵy ǵalymdardan, dene shynyqtyrý, sport túrleri boıynsha respýblıkalyq federasııalardyń keńesshi organy;
3) jeke jattyqtyrýshy - Qazaqstan Respýblıkasy qurama komandasynan tys jerde sportshynyń jeke daıyndyq josparyn oryndaýyna baǵyttalǵan daıarlyǵyn uıymdastyrady;
4) jyldyń basty jarystary – Qazaqstan Respýblıkasynyń chempıonattary, Qazaqstan Respýblıkasynyń spartakıadalary jáne Qazaqstan Respýblıkasynyń kýbogi;
5) memlekettik jattyqtyrýshy – Qazaqstan Respýblıkasynyń aýmaǵynda sport túrin (túrlerin) damytý jónindegi memlekettik saıasatty iske asyrý boıynsha fýnksııalar men is-sharalardy júzege asyratyn jattyqtyrýshy;
6) nysanaly keshendi baǵdarlama - sporttyq uıymdardyń kúsh-qımylyn maqsatty jáne tıimdi bólýge, biliktiligi joǵary sportshylardy tárbıeleýdiń basty baǵyttaryna nazar aýdarýǵa múmkindik beretin, oqý-jattyǵý, ǵylymı-ádistemelik jáne medısınalyq qamtamasyz etý, materıaldyq-tehnıkalyq bazany, tárbıelik jáne patrıottyq jumysty damytýdy qosa alǵanda, olımpııadalyq sıklǵa sportshylardy daıarlaý jónindegi máselelerdi keshendi sheshýge arnalǵan perspektıvaly jospar;
7) sport túri boıynsha Qazaqstan Respýblıkasy qurama komandasynyń (sport túri boıynsha ulttyq qurama komandanyń) bas jattyqtyrýshysy – Qazaqstan Respýblıkasynyń sport túri boıynsha qurama komandasyna (sport túri boıynsha ulttyq qurama komandaǵa) basshylyq jasaýǵa, onyń daıarlyǵyna, qalyptastyrylýyna jáne álem chempıonattaryna, Olımpıada, Paralımpıada, Sýrdlımpıada oıyndaryna jáne basqa da halyqaralyq jarystarǵa qatysýyna jaýap beretin jattyqtyrýshy;
8) sportshy – sport túrimen (túrlerimen) júıeli túrde aınalysatyn jáne sporttyq jarystarǵa qatysatyn jeke tulǵa;
9) sport túrleri boıynsha Qazaqstan Respýblıkasynyń qurama komandalary (sport túrleri boıynsha ulttyq qurama komandalar) – daıarlyqty júzege asyratyn jáne Qazaqstan Respýblıkasynyń Memlekettik Týy astynda halyqaralyq sporttyq jarystarǵa qatysatyn sportshylar, jattyqtyrýshylar, otandyq jáne sheteldik mamandar ujymdary.
3. Sport túrleri boıynsha Qazaqstan Respýblıkasynyń qurama komandasy negizgi jáne jastar (rezervtik) quramynan quralady.
Respýblıkalyq jáne halyqaralyq jarystardyń jeńimpazdary jáne júldegerleri sport túrinen Qazaqstan Respýblıkasynyń negizgi jáne jastar (rezervtik) qurama komandasyna múshelikke úmitkerler bolyp tabylady.
Qazaqstan Respýblıkasy qurama komandalarynyń negizgi jáne jastar (rezervtik) quramalaryna múshe sportshylar óz qatarlarynan komanda kapıtanyn saılaıdy. Komanda kapıtany oqý-jattyǵý prosesi men jarys kezinde qurama komandanyń músheleriniń jáne komanda basshylyǵynyń arasyndaǵy negizgi dáneker bolady.
4. Negizgi jáne jastar (rezervtik) kontıngentiniń sandyq quramyna:
1) úsh quram - sporttyń olımpıadalyq túrleri boıynsha;
2) eki quram - sporttyń olımpıadalyq emes túrlerinen;
3) bir jarym quram qabyldanady - sporttyq oıyn (olımpıadalyq, olımpıadalyq emes) túrlerinen.
5. Qazaqstan Respýblıkasy qurama komandalarynyń negizgi maqsattary:
1) Álemdik sport arenalarynda joǵarǵy nátıjelerge qol jetkizý;
2) ártúrli deńgeıdegi sporttyq is-sharalarǵa qatysý, Olımpıadalyq jáne sporttyq qozǵalysty Qazaqstan Respýblıkasynda jáne odan basqa jerlerde nasıhattaý;
3) halyqaralyq sporttyq jarystarǵa qatysý arqyly halyqtar arasyndaǵy dostyq pen ózara túsinisýshilikti nyǵaıtý.
6. Qazaqstan Respýblıkasy qurama komandalarynyń negizgi mindetteri:
1) Azııa, Olımpıada, Paralımpııada jáne Sýrdlımpıada oıyndarynda, Ýnıversıadalarǵa, álem, Azııa, Eýropa chempıonattary men kýboktaryna jáne basqa halyqaralyq sporttyq jarystarǵa daıyndalý jáne tabysty óner kórsetý;
2) sportshylardyń sporttyq sheberligin odan ári jetildirý;
3) Qazaqstan sportynyń halyqaralyq arenadaǵy bedelin arttyrý;
4) sportshylardy patrıottyqqa tárbıeleý jáne dene shynyqtyrý men sportty nasıhattaý;
5) sportshylardy daıarlaýdyń, oqý-jattyǵý prosesin ǵylymı jáne medıko-bıologııalyq qamtamasyz etýdiń ádistemesin jetildirý.
2. Qazaqstan Respýblıkasy qurama komandalarynyń quramy
7. Akkredıtelgen sporttyq federasııalar aldyńǵy jyldyń basty (Qazaqstan Respýblıkasynyń sport túrlerinen chempıonatary) jarystarynyń dene shynyqtyrý jáne sport salasyndaǵy ýákiletti organ quramyn Qazaqstan Respýblıkasynyń qurama komandasyna úmitkerlerdi qarastyrý jónindegi konkýrstyq komıssııaǵa usynylatyn Qazaqstan Respýblıkasynyń qurama komandasyna úmitkerlerdi irikteıdi.
Komıssııa bes adamnan turady:
1) ýákiletti organnyń eki ókili;
2) sport túri (túrleri) boıynsha bas jattyqtyrýshy;
3) Ulttyq shtattyq komandalar dıreksııasynyń eki ókili.
Úmitkerlerdi irikteý olardyń sporttyq nátıjeleriniń negizinde júrgiziledi. Akkredıttelgen sporttyq federasııalar Komıssııaǵa kelesi qujattardy usynady:
1) sport jarystardyń hattama (jyldyń basty jarystarynda kórsetilgen sporttyq jetistikter);
2) densaýlyq jaǵdaıy týraly anyqtama (sportshylar úshin sporttyq medısına jáne ońaltý ortalyǵynyń medısınalyq qorytyndysyn usyný);
3) sotty bolǵandyǵy nemese bolmaýy týraly anyqtama.
Osy qujattardyń kóshirmesi, konkýrstyq komıssııa otyrysynyń hattamasy, sonymen qatar Qazaqstan Respýblıkasynyń qurama komandalaryna úmitkerlerdiń tizimi Qazaqstan Respýblıkasy qurama komandalary quramdaryn bekitý kezinde dene shynyqtyrý jáne sport salasyndaǵy ýákiletti organǵa usynylady. Dene shynyqtyrý jáne sport salasyndaǵy ýákiletti organ Qazaqstan Respýblıkasynyń qurama komandalaryna úmitkerlerdi qarastyratyn komıssııany qurady jáne bekitedi.
8. Qazaqstan Respýblıkasy qurama komandasy músheleriniń quramyn jyl saıyn jazǵy sport túrlerinen 25 jeltoqsanǵa deıin jáne qysqy sport túrlerinen 1 maýsymǵa deıin dene shynyqtyrý jáne sport salasyndaǵy ýákiletti organ bekitedi.
9. Sportshylar, jattyqtyrýshylar, otandyq jáne sheteldik mamandar, dene shynyqtyrý-sport jáne medısına uıymdarynyń basqa da qyzmetkerleri ýákiletti organ sheshimimen Qazaqstan Respýblıkasy qurama komandalarynyń músheleri retinde bekitiledi.
10. Qurama komandalardyń mártebesin jáne sportshylardyń jaýapkershiligin arttyrý maqsatynda negizgi jáne jastar (rezervtik) quramyndaǵy sportshylar arasynan ujymǵa qurama komandanyń jańa múshelerin saltanatty túrde qabyldaý 2-qosymshaǵa sáıkes Qazaqstan Respýblıkasy qurama komanda múshesiniń antyn qabyldaıdy.
11. Qazaqstan Respýblıkasy qurama komandasynyń músheleri sporttyq nátıjelerdi tómendetkeni, jeke josparlar men belgilengen normatıvterdi júıeli oryndamaǵany, tyıym salynǵan sýbstansııalar qoldanǵany, shart talaptaryn buzǵandyǵy úshin komanda quramynan shyǵarylady.
12. Bas jattyqtyrýshy Qazaqstan Respýblıkasy qurama komandalaryna basshylyq etedi jáne sport túrleri boıynsha jattyqtyrýshylar keńesin basqarady.
13. Bas jattyqtyrýshy sport túrlerinen qurama komanda músheleriniń daıarlyǵy jónindegi jumysty uıymdastyrady jáne qurama komandaǵa múshe sportshylardyń jarystarǵa qatysýynyń nátıjelerine únemi taldaý júrgizedi. Daıarlyqtyń nysanaly ári keshendi baǵdarlamalaryn iske asyrý jóninde jumystar júrgizedi.
14. Qazaqstan Respýblıkasy qurama komandasyna múshe sportshynyń jeke jattyqtyrýshysy Qazaqstan Respýblıkasy qurama komandasyna ortalyqtandyrylǵan daıarlyq úshin ýaqytsha issaparǵa jiberilýi múmkin.
15. Sport dárigeri Qazaqstan Respýblıkasy qurama komandasyna múshe sportshynyń densaýlyǵyn qadaǵalaıdy, jattyqtyrýshylar quramyna sportshynyń fýnksıonaldy jaǵdaıy men usynylatyn jattyǵý júktemeleri jóninde usynystar beredi, medıko-bıologııalyq, qalpyna keltirý sharalary men emdeýdi, sondaı-aq sportshyny úılesimdi tamaqtandyrýdy, oqý-jattyǵý jıyndary men jarystar ótetin oryndardyń sanıtarlyq-gıgıenalyq jaǵdaıyn baqylaýdy júzege asyrady.
16. Qazaqstan Respýblıkasy qurama komandasynyń massajshysy sport dárigeriniń nemese bas dárigerdiń ádistemelik basshylyǵymen jumys isteıdi.
17. Qazaqstan Respýblıkasy qurama komandasyn ǵylymı-ádistemelik qamtamasyz etý úshin tartylatyn mamandar, onyń fýnksıonaldyq jáne tehnıkalyq deńgeıine aǵymdaǵy baqylaýdy júzege asyrady óz quzyreti sheginde, bas jattyqtyrýshymen, jattyqtyrýshylar keńesimen birlesip baǵdarlamalar men jeke daıyndyq josparyn ázirleýge qatysady, sportshylardy daıarlaýda ádistemelik kómek kórsetedi.
Sport túri boıynsha Qazaqstan Respýblıkasynyń
qurama jáne shtattyq qurama komandalarynyń
(sport túri boıynsha ulttyq qurama komandalardyń)
quramyn qalyptastyrý qaǵıdalaryna qosymsha
Nysan
Qazaqstan Respýblıkasynyń qurama komandasy múshesiniń ANTY
Men, (T.A.Á), meni________________________________(sport túri)
Qazaqstan Respýblıkasynyń qurama komandasyna qabyldaýdy memlekettiń kórsetken erekshe senimi retinde baǵalaı jáne ózimniń jaýapkershiligimdi sezine otyryp:
- asa joǵary nátıjelerge jetý úshin ózimniń jeńiske degen bar kúsh-jigerimdi jumsaı otyryp, sport arenasynda bizdiń Otanymyzdyń namysyn laıyqty qorǵaý úshin sporttyq sheberligimdi únemi jetildirýge;
- sport jarystarynda adal kúresýge, jarys erejelerin qatań saqtaýǵa, dopıngke qarsy kodeksti ustanýǵa jáne tyıym salynǵan zattardy paıdalanbaýǵa;
- sporttaǵy tálimgerlerdiń barlyq nusqaýlary men talaptaryn oryndaýǵa, jattyqtyrýshy-oqytýshylar quramyna, komanda múshelerine, básekelesterge, tóreshilerge, kórermender men jankúıerlerge syılastyqpen qaraýǵa;
- ózimniń barlyq is-áreketimde sporttyq ádep erejelerin basshylyqqa alýǵa saltanatty túrde ant etemin.
Meniń osy antty buzýym Qazaqstan Respýblıkasy qurama komandasynyń múshesi degen joǵary ataqpen syıyspaıtyndyǵyn uǵynamyn.
_______________________________ __________________
Tegi Aty Ákesiniń aty (kúni)
Buıryq Qazaqstan Respýblıkasynyń Ádilet mınıstrliginde 2014 jylǵy 5 tamyzda Normatıvtik quqyqtyq kesimderdi memlekettik tirkeýdiń tizilimine №9682 bolyp engizildi.