Kerlıngten Shotlandııada álem chempıonaty ótip jatyr, dep habarlaıdy Egemen.kz.
Toptyq kezeńde Fınlıandııa, Kenııa, Germanııa, Ýels, Ýkraına quramalaryn utqan Qazaqstan sportshylary Shveısarııaǵa ǵana ese jiberdi. Alaıda bul – toptyq kezeńnen shyǵýǵa esh kedergi emes. Búgin Qazaqstan quramasy Belgııaǵa qarsy oıyn kórsetip, pleı-off saıystaryna daıyndalady. El namysyn álem chempıonatynda Abylaıhan Júzbaı, Tylsymaı Allııarova, Aıdos Allııar, Mereı Tastemir esimdi sportshylarymyz qorǵaıdy.
Aıta ketsek, kerlıng – bul qysqy komandalyq sport túri, muz arenasynda ótedi. Matchqa ár komandada 2-4 adamnan turatyn eki komanda qatysady. Oıynnyń negizgi prınsıpi qatysýshylar kezek-kezek tas dep atalatyn muz ústinde aýyr granıtti snarıadty ushyrady.
Málimetterge súıensek, kerlıng – Qazaqstan sportshylaryn 2000 jyldardyń bas kezinde qyzyqtyrǵan. 2003 jyldyń qarashasyna qaraı Qazaqstan kerlıng qaýymdastyǵy resmı túrde qurylǵan.