Qazan aıynyń sońynda Albanııa astanasy Tıranada kúres túrlerinen álem chempıonaty bastalady. Týrızm jáne sport mınıstrligi halyqaralyq dodada el namysyn qorǵaıtyn balýandardyń esimin jarııa etti, dep jazady Egemen.kz.
Aldymen 23 jasqa deıingi palýandar bozkilemde beldesedi. Odan keıin eresekter olımpıadalyq emes salmaqtarda baq synaıdy.
Olımpıadalyq emes salmaqtardaǵy alǵashqy jahandyq báseke 2016 jyldyń 8-11 jeltoqsanynda Majarstannyń Býdapesht qalasynda ótti. Oǵan Qazaqstan quramasynyń alty palýany qatysyp, bir kúmis jáne bir qola medal jeńip alǵan.Erkin kúresten Nurlan Bekjanov (70 kg) kúmis júldeger atansa, áıelder kúresinen Aıym Ábdildına (55 kg) qola medal ıelendi. 2020 jyly ótýge tıis bolǵan jahandyq doda pandemııaǵa baılanysty ótpeı qalǵan edi.Olımpıadalyq emes salmaqtardaǵy álem chempıonaty Olımpıada baǵdarlamasyna enbeı qalǵan tórt salmaq dárejesinde ótkiziledi. Atap aıtqanda, erkin kúres sheberleri 61, 70, 79, 92 kg, áıelder kúresi ókilderi 55, 59, 65, 72 kg jáne grek-rım kúresi palýandary 55, 63, 72, 82 kg salmaqtarda beldesedi. Bul baǵyttaǵy saıystar osy salmaqtaǵy palýandardyń jaryssyz qalmaýy úshin uıymdastyrylady. Sondyqtan Olımpıadaǵa qatysqan palýandar bul álem chempıonatynda bozkilemge shyǵa almaıdyEresekter arasyndaǵy álem chempıonaty 28 qazanda bastalyp, 31 qazanda máresine jetedi. Fınaldyq básekeler 29 qazan (grek-rım), 30 qazan (áıelder kúresi) jáne 31 qazan (erkin kúres) kúnderine josparlanǵan.Qazirgi tańda álem chempıonatyna qatysatyn Qazaqstan ulttyq quramasynyń palýandary anyqtalyp, jarysqa qarqyndy daıyndalyp jatyr.
Albanııadaǵy álem chempıonatynda synǵa túsetin palýandar: Grek-rım kúresi:55 kg: Ishar Qurbaev63 kg: Erjet Jarlyqasyn72 kg: Meıirjan Shermahanbet82 kg: Evgenıı Polıvadov Áıelder kúresi:55 kg: Zúlfııa Iаhıarova59 kg: Dıana Qaıýmova65 kg: Irına Kazıýlına72 kg: Jámıla Baqbergenova Erkin kúres:61 kg: Asyl Aıtaqyn70 kg: Nurǵoja Qaıpanov79 kg: Dáýlet Ergesh92 kg: Nurdáýlet Bekenov