Qazannyń 18-i kúni saǵat 17.00-de Astanadaǵy Mega Silk Way saýda-saýyq ortalyǵynda Explore Jana Qazaqstan fotokórmesiniń ashylý rásimi ótti. Bul kórme Explore Jana Qazaqstan komandasynyń National Geographic Qazaqstan redaksııasymen birlesip, bıylǵy mamyr men qyrkúıek aralyǵynda uıymdastyrǵan 5 ekspedısııasynyń nátıjesinde daıyndalǵan. Atalǵan ekspedısııaǵa Honor qoldaý kórsetti, dep habarlaıdy Egemen.kz
Ekspedısııa maqsaty Qazaqstannyń týrıstik óńirleriniń áleýetin eń úzdik otandyq fotograftar men saıahatshy blogerlerdiń fotoapparattary men vıdeokameralarynyń obektıvi arqyly pash etip, ishki týrızmdi damytýǵa qosymsha serpin berýdi kózdeıdi. Soǵan oraı, komanda músheleri elimizdiń Túrkistan, Almaty, sondaı-aq shyǵys pen batys óńirlerinde bolyp, baıtaq Otanymyzdyń alýan aıshyqty tumsa tabıǵatymen tanysqan.
National Geographic Qazaqsan redaksııasy osy saparlar barysynda túsirilgen 2500-den astam fotosýrettiń ishinen Honor 200 pro telefonymen aıshyqtalǵan eń úzdik 15 sýretti iriktep, kórmede usynyp otyr.
Ulanǵaıyr jerimizdiń tamasha tabıǵatynyń ǵajaıyptaryn kórsetetin kórme 18 qazannan 7 qarashaǵa deıin jalǵasady.
Baılanys telefondary: +7 7078282636, Nursultan