Qazaqstannan qurylys materıaldary degen jeleýmen, 336 myń qorap temekini alyp shekaradan ótkizýge árekettengen, dep habarlaıdy Egemen.kz Ulttyq qaýipsizdik komıtetiniń baspasóz qyzmetine silteme jasap.
17 qazanda «Shaǵan» avtokólik ótkizý pýnktinde UQK ShQ Batys Qazaqstan oblysy boıynsha departamenti temekiniń iri partııasyn áketýdiń jolyn kesken.
«336 myń qorap temeki ónimderin ilespe qujattarsyz, qurylys materıaldary túrinde Memlekettik shekaradan ótkizýge árekettengen. Aldyn ala baǵalaý boıynsha tárkilengen taýardyń quny 200 mln teńgeden asady», delingen habarlamada.
Ustalǵan júk ári qaraı qaralýy úshin óńirdegi Memlekettik kirister departamentine berilgen.