Elordadaǵy №71 mektep-lıseıiniń oqýshylary jas sarbazdar qataryn tolyqtyrdy. Balalar men jasóspirimder áskerı-patrıottyq qozǵalysyna alpystan asa besinshi synyp oqýshylary kirdi, dep habarlaıdy Egemen.kz.
Saltanatty rásim QR Qarýly kúshteriniń Ulttyq áskerı-patrıottyq ortalyǵynda ótti. Rahymjan Qoshqarbaevtyń júz jyldyq mereıtoıyna arnalǵan is-shara elorda ákimdiginiń, Astana qalasynyń jastar saıasaty máseleleri jónindegi basqarmasynyń jáne «Jas sarbaz» RQB elordalyq fılıalynyń qoldaýymen ótti.
Oqýshylardy «Qarýly kúshter ardagerleri» respýblıkalyq qoǵamdyq birlestigi tóraǵasynyń orynbasary general-maıor Marat Naǵumanov quttyqtap, olarǵa qozǵalys múshesiniń kýáligin tabys etti.
«Qurmetti balalar, sender múmkindigi mol tamasha ýaqytta ómir súrip jatsyńdar. Barlyq áleýetti, kúsh-qýatty jáne bilimdi ómirdiń basty maqsatyn júzege asyrýǵa baǵyttańdar. Esterińde bolsyn, Qazaqstan senderdiń árqaısyńnyń jetistikterińe múddeli, óıtkeni sender eldiń bolashaǵysyńdar», dep atap ótti M.Naǵumanov.
Balalar jas patrıottyń ant sózderin erekshe yqylaspen jáne maqtanyshpen aıtty. Osyndaı qýanyshty sátpen oqýshylardy «Jas sarbaz» respýblıkalyq balalar-jasóspirimder áskerı-patrıottyq qozǵalysynyń tóraǵasy maıor Meıirbek Meńdiǵalıev ta quttyqtady.