Zamanaýı kompanııalar sáttilik turaqty bolýy úshin bolashaq kóshbasshylardy damytýǵa aıryqsha mán beredi. Onyń eń tıimdi joldarynyń biri – tálimgerlik. Bul ádis qyzmetkerlerdi damytyp qana qoımaı, komandalyq mádenıetke úıretip, kompanııa qundylyqtaryn kúsheıtedi, dep jazady Egemen.kz.
Medısınalyq tehnologııalar jáne aqparattyq júıeler ortalyǵy (MTAJO) kadrlardy damytýǵa jáne tálimgerliktiń tıimdi tásilderin endirýge aıryqsha kóńil bóledi. Odan bólek, ortalyq tálimgerlik baǵdarlamalary aıasynda PIB júıesiniń qyzmetkerlerin de oqytady. Personaldy basqarý salasynyń sarapshysy jáne HR ortalyq jetekshisi Aınur Kamarova bul tásildi kompanııada qoldanýdyń qyr-syrymen bólisti.
«Tálimgerlik – bilim men tájirıbeni berý joly ǵana emes, ol – qyzmetkerlerdi strategııalyq damytýdyń quraly. LinkedIn zertteýiniń málimetterine sáıkes, qyzmetkerlerdiń 94%-y, eger oǵan oqý men ósýge múmkindikter berilse, kompanııadaǵy jumysyn jalǵastyra berýge daıyn. Tálimgerlik kompanııa qyzmetkerlerine kásibı jáne jeke damýǵa jaǵdaılar jasaı otyryp, negizgi kadrlardy ózinde ustap qalýǵa kómektesedi. Odan bólek, bıznestiń mańyzdy mindetterin sheshýge járdemdesedi», dedi Aınur Kamarova.
Onyń aıtýynsha, zertteýler qyzmetkerlerdiń 84%-y kompanııa oǵan óz salasy boıynsha bilim men tájirıbeni jańartýǵa qajetti oqý men daǵdylardy damytý múmkindigin beredi dep kútedi. Osylaısha, tálimgerlik baǵdarlamasyn jolǵa qoıǵan kompanııalar kadr turaqsyzdyǵyn tómendetip, komandanyń jalpy tıimdiligin arttyra alady.
Tálimgerlik baǵdarlamasy barynsha tıimdi bolýy úshin naqty bıznes maqsattarǵa qol jetkizýge kómektesetin strategııalyq tásilderdi qoldanǵan durys. MTAJO sarapshylarynyń usynystaryna súıene otyryp, baǵdarlamany sátti qurýdyń negizgi tórt qadamyn aıqyndaýǵa bolady:
Maqsattardy maquldaý. Tálimgerlik naqty bıznes maqsattarǵa qol jetkizýge baǵyttalýy tıis: klıentterdiń qanaǵattaný deńgeıin jaqsartý, ınnovasııalardy engizý, kadr turaqsyzdyǵyn tómendetý. Tálimgerler óz qaramaǵyndaǵy qyzmetkerlerdiń kompanııanyń maqsattaryn kózdeıtin baǵyttarda damýyna kómektesedi. Daıyndaý jáne qoldaý. Tálimgerlik tálimgerlerdiń de, onyń qaramaǵyndaǵylardyń da daıyndyǵyn qajet etedi. Oqý tálimgerlerge óziniń keri baılanys daǵdylaryn damytýyna, al qaramaǵyndaǵy qyzmetkerlerge maqsattaryn aıqyndap, kommýnıkasııany jaqsartýǵa kómektesedi. Turaqty kezdesýler men nátıjelerdi baqylaý mańyzdy. Qatysýshylardy durys tańdaý. Tálimgerliktiń sátti bolýy kóp jaǵdaıda jupty durys tańdaýǵa baılanysty. Kompanııalar qatysýshylardyń tek kásibı daǵdylaryna ǵana emes, jeke qasıetterine, kózqarastary men yntasyna mán berýi kerek. Sondaı-aq, ártúrlilikti qamtamasyz etip, qatysýshy qyzmetkerlerdiń túrli sanattaǵy adamdardan jańa tájirıbe jınaýyna múmkindik berý qajet. Tálimgerlik formattarynyń ártúrliligi. Tálimgerlik formaldy jáne beıformaldy jaǵdaılarda da ótýi múmkin. Iаǵnı, turaqty trenıngter men vebınarlardan bólek, kofe ishý barysyndaǵy beıformaldy áńgimelesý túrinde de ótkizýge bolady. Tásildiń eki túri de mańyzdy: beıformaldy qarym-qatynas senimdi kúsheıtse, formaldy kezdesýler oqý prosesin júıeleıdi.Tálimgerlik – kóshbasshylyq qasıetterdi qalyptastyrýdyń tásili. Jekelegen qyzmetkerlerdiń damýyna ǵana emes, sonymen qatar kompanııa ishinde myqty mádenıet qurýǵa da kómektesedi. Sátti júzege asyrylǵan tálimgerlik baǵdarlamasy qandaı qıyn mindetterge daıyn kóshbasshylardy tárbıelep, kompanııanyń turaqty damýyn qamtamasyz etedi. MTAJO mundaı baǵdarlamalardy óz qyzmetkerlerin qoldap, olardyń ósip-damýyna jaǵdaı jasaý úshin baǵdarlamasyna engizedi. Bilikti jastar kompanııany alǵa jeteleıtin myqty kásibı mamandar qoǵamdastyǵyn qura alady.