Ekaterınbýrg – Almaty tas jolynda jappaı jol apaty bolyp, úsh adam zardap shekti, dep habarlaıdy Egemen.kz.
Aqmola oblystyq PD málimetinshe, jol-kólik oqıǵasy 24 qazanda Astrahan aýdany mańynda bolǵan.
«Mersedes Benz aldyndaǵy kólikti basyp ozý úshin joldyń qarsy baǵytyna shyǵyp, Toyota Camry markaly avtokóligimen soqtyǵysqan. Olar bar ınersııasymen aınalyp, osy joldaǵy taǵy eki avtokólikti soqqan. Jol apaty saldarynan úsh jolaýshy jaraqat aldy. Jol-kólik oqıǵasy faktisi boıynsha sotqa deıingi tergeý sharalary qolǵa alyndy», delingen óńirlik PD habarlamasynda.
Instagram-daǵy Naysakokshe paraqshasynda atalǵan jol apaty kezinde Astrahan aýdany ákimdiginiń eki qyzmetkeri zardap shekkeni jazylǵan.
Toyota Camry kóliginde bolǵan ákimdik qyzmetkerleri sol kúni Astanadaǵy aýyl jármeńkesine bara jatqany aıtylady.