«Qazgıdromet» RMK 29 qazanda elimizdiń 13 óńirinde daýyldy eskertý jarııalady, dep habarlaıdy Egemen.kz.
Túrkistan oblysynyń batysynda, soltústiginde, taýly aýdandary men taý bókterinde tuman túsedi dep kútiledi. Oblystyń taý asýlarynda ońtústik-shyǵystan soqqan jeldiń ekpini 15-20 m/s quraıdy.
Shymkentte, Túrkistanda, sondaı-aq Qyzylorda oblysynyń soltústiginde, ortalyǵynda túnde jáne tańerteń tuman túsýi múmkin.
Qostanaı oblysynyń soltústiginde, ońtústiginde, shyǵysynda kóktaıǵaq bolsa, batysy men soltústiginde tuman túsedi.
Aqmola oblysynda tuman, kóktaıǵaq bolady dep kútiledi. Túnde oblystyń soltústik-shyǵysynda ońtústik-batystan soǵatyn soltústik-batysqa oıysa soqqan jeldiń ekpini 15-20 m/s quraıdy. Kókshetaýda da, Astanada da tuman, kóktaıǵaq bolady dep boljanýda.
Abaı oblysynyń batysynda, soltústiginde, ortalyǵynda ońtústik-batystan, batystan soqqan jeldiń ekpini 15-20 m/s, túnde jáne tańerteń 25 m/s deıin jetedi. Semeıde ońtústik-batystan, batystan soqqan jeldiń ekpini 15-20 m/s quraıdy.
Shyǵys Qazaqstan oblysynyń soltústiginde, shyǵysynda kóktaıǵaq bolýy múmkin. Oblystyń batysynda, soltústiginde, ońtústiginde, ortalyǵynda ońtústik-batystan soqqan jeldiń ekpini 15-20 m/s, túnde jáne tańerteńgi ekpini 23 m/s deıin jetedi.
Ulytaý oblysynyń soltústiginde, shyǵysynda, ortalyǵynda, Jezqazǵanda kóktaıǵaq bolady dep boljanady.Túnde jáne tańerteń oblystyń shyǵysynda tuman bolady.
Batys Qazaqstan oblysynyń batysynda, soltústiginde, shyǵysynda jáne Oral qalasynda da túnde jáne tańerteń tuman bolady.
Qaraǵandy oblysynda, batysynda, soltústiginde, shyǵysynda kóktaıǵaq bolady dep kútiledi. Túnde jáne tańerteń oblystyń batysynda, ońtústiginde tuman túsedi. Ońtústik-batystan, batystan jel soǵady, túnde oblystyń soltústiginde, shyǵysynda soqqan jeldiń ekpini 15-20 m/s quraıdy.
Atyraý oblysynyń soltústiginde, ońtústiginde, shyǵysynda jáne ortalyǵynda tuman túsedi.
Túnde Aqtóbe oblysynyń ońtústiginde, shyǵysynda, ortalyǵynda kóktaıǵaq bolady dep kútiledi. Túnde jáne tańerteń oblystyń soltústiginde, batysynda, shyǵysynda tuman túsedi.
Soltústik Qazaqstan oblysynyń batysynda, soltústiginde, shyǵysynda kóktaıǵaq bolady dep kútiledi. Oblystyń batysynda, soltústiginde tuman túsedi. Batystan, ońtústik-batystan jel soǵady, túnde oblystyń shyǵysynda soqqan jeldiń ekpini 15-20 m/s quraıdy. Petropavlda kóktaıǵaq bolady, túnde jáne tańerteń tuman túsedi.
Pavlodar oblysynyń soltústiginde, shyǵysynda tuman, kóktaıǵaq bolady degen boljam bar. Batystan jel soǵady, ekpini - 15-20 m/s.