Búgin Úkimet otyrysynda otandyq mashına jasaý salasyn damytý máseleleri talqylandy, dep jazady Egemen.kz.
О́nerkásip jáne qurylys mınıstri Qanat Sharlapaevtyń aıtýynsha, Qazaqstanda osy jyldyń 9 aıynda 82 myńnan astam jeńil avtokólik shyǵarylǵan.
Sondaı-aq shaǵyn torapty qurastyrý tehnıka óndirisin ulǵaıtýǵa basa nazar aýdaryp otyr.
Elimizde mashına jasaý óndirisin damytý maqsatynda birlesken kásiporyndar qurylmaq. Bul mejeni júzege asyrý úshin Qazaqstanda jańa zaýyttar salý úshin qarjy quıýǵa daıyn ınvestorlar kelip jatyr.
«Máselen, CHANGAN, HAVAL, CHERY avtomobılderin shyǵaratyn zaýyttyń qurylysy aıaqtalýǵa jaqyn, onyń óndirisi tolyǵymen shaǵyn torapty qurastyrýǵa negizdelgen. Qýaty – 90 myń birlik. KIA avtomobıl óndiretin zaýyttyń qurylysy júrip jatyr. Investısııa somasy - $200 mln. $150 mln somasyna Geely, Exceed, KAIYI jeńil avtomobılderin óndirý boıynsha joba iske qosyldy», dedi Qanat Sharlapaev.
Mınıstr baıandamasynda sektordy odan ári damytý lokalızasııany tereńdetý jáne komponenttik baza óndirisin ıgerý esebinen josparlanǵanyn atap ótti. Bıyl Almaty qalasynda mýltımedııalyq júıeler men avtokreslolardyń serııalyq óndirisi iske qosylady.