2027 jylǵa qaraı Eýropada 83 mıllıon jumys orny joıylady, munyń negizgi sebebi jyldam damyp kele jatqan jasandy ıntellekt bolmaq, dep habarlaıdy Egemen.kz.
Euronews bul týraly Dúnıejúzilik ekonomıkalyq forýmnyń boljamdaryna silteme jasap, málimdedi. 2030 jylǵa qaraı 94 mıllıon eýropalyq jumysshy avtomattandyrýdyń damýyna baılanysty qaıta oqytýdy qajet etedi.
Jasandy ıntellekttiń damýy qyzmetkerlerge eń kóp qaýip tóndiretin salalar anyqtaldy:
Qonaq úı jáne qoǵamdyq tamaqtaný qyzmetteri (94 paıyz)
О́ner (80 paıyz)
Saýda (68 paıyz)
Qurylys (58 paıyz)
Kólik jáne logıstıka (50 paıyz)
«Zertteýshiler 2030 jylǵa deıin 21 mıllıon adam mamandyqty aýystyrýy múmkin degen qorytyndy jasap otyr. Olardyń kópshiliginde joǵary bilim joq», dep kórsetilgen materıalda.
Sonymen qatar Dúnıejúzilik ekonomıkalyq forýmnyń málimetinshe, jaqyn jyldary basqa baǵyttarda da jumys oryndarynyń eleýli ósimi kútiledi: shamamen 69 mıllıon jańa vakansııa paıda bolady.
Biraq Eýropada bul jumys oryndary teń dárejede bólinbeýi múmkin. Eýropalyqtardyń 40%-y qysqaryp jatqan eńbek naryǵy bar aımaqtarda turýy múmkin. Zertteýde osy aımaqtardy qoldaý úshin qashyqtan jumys isteýdi yntalandyrý usynylǵan.
«Qazirgi ýaqytta Eýropada eńbek ónimdiligi birneshe eńbek naryǵyna shoǵyrlanǵan, mysaly, Amsterdam, Kopengagen, London, Madrıd, Mıýnhen jáne Parıj», delingen materıalda.
Bul qalalarda Eýropa turǵyndarynyń tek 20%-y turady, biraq olar Eýropa IJО́-niń 43%-na, taza jumys oryndarynyń 35%-na jáne 2007 jyldan 2018 jylǵa deıingi halyqtyń ósýiniń 40%-na jaýap beredi.
Ekinshi jaǵynan, shyǵys jáne ońtústik Eýropada qysqaryp jatqan eńbek naryǵy bar 438 óńir bar, onda 30% halyq turady. Bul óńirler «jumys kúshi azaıýy, qart turǵyndar jáne tómen bilim deńgeıimen» sıpattalady.