Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń depýtattary qoljetimdi nesıe berýdi qamtamasyz etý máselesine arnalǵan dóńgelek ústel otyrysyn ótkizdi, dep jazady Egemen.kz.
Dóńgelek ústel otyrysyna aýyl sharýashylyǵy, qarjy, ulttyq ekonomıka, sıfrlyq damý, ınnovasııalar jáne aeroǵarysh ónerkásibi mınıstrlikteriniń, sondaı-aq Ulttyq banktiń, Qarjy naryǵyn retteý jáne damytý agenttigi men basqa da uıymdardyń ókilderi qatysty.
Jıynǵa qatysýshylar ınvestısııany yntalandyrý, fermerlerdiń qarjylyq saýatyn arttyrý, shaǵyn jáne orta bıznesti qoldaý, sondaı-aq agroónerkásip kesheninde básekelestik orta qalyptastyrý máselelerin talqylady.
Álı Bektaevtyń tóraǵalyǵymen ótken kezdesýde Memleket basshysy kótergen bastamalar neǵurlym qoljetimdi qarjy quraldary esebinen bıznesti damytýǵa járdemdese alatynyn, ol saıyp kelgende turaqty jáne básekege qabiletti ekonomıka qalyptastyrýdy kózdeıtinin atap ótildi.
«Agroónerkásip kesheniniń aýylda búgingi tańda kásipkerlikti damytýǵa kómektesetin qarjy resýrstaryna qoljetimdiligin qamtamasyz etý mańyzdy. Turaqty jáne tıimdi qoldaý quraldaryna súıene otyryp óndirýshilerdiń óz qyzmetin senimdi túrde josparlaýǵa jáne keńeıtýge jaǵdaı jasaý – bizdiń basty mindetimiz», dedi Álı Bektaev.
Salalyq memlekettik organdardyń ókilderi óz kezeginde agroónerkásip keshenin damytýdyń basymdyqtary týraly oılaryn ortaǵa saldy.