Elordada bir mezette úsh myńnan asa dombyrashy «Balbyraýyn» kúıin oryndady. О́ner álemindegi osynaý erekshe oqıǵa elimizdiń Gınness rekordtar kitabyna endi.
«Qazaqstan» jeńil atletıkalyq sport kesheninde dombyra úıirmesine qatysýshylar Qurmanǵazy Saǵyrbaıulynyń shoqtyǵy bıik «Balbyraýyn» kúıin bir mezgilde kúmbirletti. Bul jarqyn sátti arnaıy mamandar baqylap otyrdy. Balalardyń sanyn 8 sarapshy, al kúıdiń oryndalý sapasyn 4 sarapshy qadaǵalady. Aıta keteıik, kúı merekesine mádenıet qaıratkeri Sholpan Qorǵanbek dırıjerlik etti.
Bı úıretetin JI
Japonııa jasandy ıntellekt arqyly ulttyq bıdi nasıhattaýǵa kiristi. Bul qurylǵy ejelden kele jatqan dástúrli ónerdi dáriptep, jas urpaqtyń mádenıetke degen qyzyǵýshylyǵyn arttyrady.
Tyń tehnologııa bıge yqylasy bar jannyń árbir qımyl-qozǵalysyn kameraǵa jazyp alyp, taldaıdy. Sodan soń alynǵan málimetterdi qorytyp, adamnyń ıkemine saı sabaqtardy ekranǵa shyǵarady. Sony qaıtalap otyrsańyz jetkilikti. «Kompıýterlik grafıka jasaǵan nusqaýlyq durys baǵyt kórsetip, bıdi tez meńgerýge septigin tıgizedi. Qazirgi tańda jańa tehnologııa Tokıonyń sport mektepterinde qoldanysqa engizilip jatyr», dedi «Fujitsu» kompanııasynyń bólim basshysy Hıdenorı Fýdzıvara.
Plastık kirpish
Ekonomıkalyq yntymaqtastyq jáne damý uıymynyń málimetine súıensek, qazir plastık qaldyqtardyń kólemi 20 jyl burynǵy kórsetkishten eki ese kóp. Alaıda sonyń 9 paıyzy ǵana qaıta óńdeledi.
Osy máselege aıryqsha kóńil bólgen qytaılyq ónertapqyshtar qurylysta qoldanýǵa bolatyn biregeı kirpish jasap shyqty. Ol júz paıyz qaıta óńdelgen plastıkalyq qaldyqtardan jasalǵan. Mamandardyń aıtýynsha, jańa ónim joǵary beriktigimen, jeńildigimen jáne uzaq qyzmet etý qasıetimen erekshe. О́nertabys kópshilik nazaryna Gýanchjoý qalasynda ótken jyl saıynǵy Kanton jármeńkesinde usynyldy.