Aksızdeletin ónimderdiń (alkogol ónimderi) kóleńkeli aınalymyna qarsy is-qımyl máseleleri Qarjylyq monıtorıng agenttiginde ótken dóńgelek ústel barysynda talqylandy, dep habarlaıdy Egemen.kz.
Sharaǵa Qarjy jáne Ulttyq ekonomıka mınıstrlikteri, memlekettik kirister komıteti ókilderiniń, sondaı-aq «Atameken» UKP Tóralqa tóraǵasy Raıymbek Batalov pen QR kásipkerleriniń quqyqtaryn qorǵaý jónindegi ýákil Qanat Nurov, «Qazalkotabak» jáne «QazSpirits» qaýymdastyqtarynyń ókilderi qatysty.
Qarjylyq monıtorıng agenttiginiń baspasóz qyzmetiniń málimetinshe QMA sońǵy 4 jylda (2021-2024 jj.) alkogol óniminiń zańsyz aınalymyna baılanysty 282 qylmysty tirkegen. Sýrrogat alkogol óndiretin 123 jasyryn seh anyqtalyp, 3,3 mln-nan astam bótelke, 720 myń lıtr spırt jáne quramynda spırti bar suıyqtyq, 640 myń jalǵan EBM tárkilengen.
Alkogol óniminiń kóleńkeli aınalymyna qarsy turýǵa baǵyttalǵan QMA usynatyn sharalardyń biri – 2026 jylǵa josparlanǵan tańbalaý men qadaǵalaýdy engizýdi jedeldetý, sondaı-aq búkil óndiris prosesin sıfrlandyrý bolyp tabylady.
Qatysýshylar Agenttiktiń adal kásipkerlerdi qorǵaý boıynsha atqarylǵan jumystardy, sondaı-aq taldamalyq quraldardy paıdalana otyryp júzege asyrylatyn aldyn alý qyzmetin atap ótip, aıtylǵan usynystardy odan ári iske asyrýdyń mańyzdylyǵyn atap ótti.
Dóńgelek ústel sońynda qatysýshylar kóleńkeli ekonomıkadaǵy aksızdeletin ónim aınalymyna qarsy is-qımyl jasaý maqsatynda barlyq múddeli taraptardyń qatysýymen vedomstvoaralyq jumys tobyn qurý týraly sheshim qabyldady.