Ulttyq qaýipsizdik komıtetiniń Shekara qyzmeti qazan aıynda memlekettik shekara arqyly zańsyz alyp ótýdiń 1435 áreketin tirkedi, dep habarlaıdy Egemen.kz vedomstvonyń baspasóz qyzmetine silteme jasap.
UQK málimetinshe, shekara keńistiginde 4 640 zań buzýshy ustalǵan, onyń ishinde: 27 shetel azamaty shekarany buzǵany úshin; 30 shetel azamaty shekarany buzýǵa árekettengeni úshin.
«Shekara arqyly 1 435 zańsyz alyp ótý faktisiniń aldyn alyndy, onyń ishinde: 41 fakti – esirtki zaty; 91 fakti – atý qarýy men oq-dári (1 dana atys, 3 dana gazdy jáne 25 dana sýyq qarý, 123 dana oq-dári, 41 dana elektroshoker); 23 fakti – dinı ádebıet (2 001 dana); 459 fakti – jalpy somasy 9 mln teńgeden asatyn janar-jaǵarmaı materıaly (43 000 lıtrden astam); 616 fakti – jalpy somasy 3,4 mlrd teńgeden asatyn halyq tutyný taýary (sonyń ishinde kıik múıizderi 1,5 mlrd teńgege jýyq, temeki buıymdary 377 mln teńgeden astam); 204 fakti – jalpy somasy 1,8 mlrd teńgeden astam shetel valıýtasy», delingen habarlamada.
Sonymen qatar Kaspıı akvatorııasynda 57 brakonerlik faktisiniń joly kesilgeni atap ótildi.
«Sondaı-aq: 31 dana – júzý quraly; 70 km tor – brakonerlik aýlaý quraly;299 dana (1 765,1 kg) – bekire tuqymdas balyq; 904 dana (2 165 kg) – taza tuqymdas balyq; 13 dana – ıtbalyq. Aldyn alynǵan zalal somasy shamamen 671 mln teńgeni qurady», dep habarlady UQK.
Bul faktiler boıynsha materıaldar buzýshylardy jaýapkershilikke tartý úshin quqyq qorǵaý jáne sot organdaryna jiberilgen.Aıta keteıik, memlekettik shekarada qandaı-da bir shekteý sharalary engizilmegen, barlyq ótkizý pýnkti shtattyq rejımde jumys istep jatyr.