Mańǵystaý oblysy prokýratýrasynyń úılestirýimen polısııa qyzmetkerlerimen qoǵamdyq oryndarǵa esirtkini zańsyz jarnamalaý faktileriniń aldyn alý maqsatynda jedel-izdestirý sharalary júrgizildi, dep habarlaıdy Egemen.kz.
Oblystyq prokýratýranyń habarlaýynsha, birlesken jumystar nátıjesinde sıntetıkalyq esirtkilerdi zańsyz jarnamalaý faktisiniń joly kesilip, Aqtaý qalasynyń úsh turǵynynan turatyn top ustalǵan.
«Ustalǵandardan «MEF, SK, DUNE24CC, VPN» jazýlary bar trafaret, flomaster, balta, bıta, 20-dana syrlaýǵa arnalǵan ballonchıkter, 83 dana jarnama paraqshalary, QR-kod jazylǵan býkletter jáne t.b. zattar, sondaı-aq esirtki zattary tárkilenip alyndy», delingen habarlamada.
Atalǵan fakti boıynsha QK-niń 296-babynyń 4-bóligimen jáne QK-niń 299-1-babynyń 2-bóliginiń 1, 2) tarmaqtarymen sotqa deıingi tergep-tekserý amaldary bastalǵany habarlandy.
Kúdiktiler tergeý sotynyń sanksııasymen qamaýǵa alynǵan.