«QazAvtojol» AQ ShQO-daǵy eki avtojolda 1 qarasha 19:00-den bastap kólik qozǵalysy shekteletinin habarlady, dep jazady Egemen.kz.
Qys mezgilinde qaýipsiz jol qozǵalysyn qamtamasyz etý úshin avtojoldarda jartylaı tirkemesi jáne tirkemesi bar júk kólikterge, sondaı-aq jolaýshylar tasymaldaıtyn kólikterdiń qozǵalysyna shekteý qoıylady. Shekteý 1 qarasha kúni 19:00-den bastalady.
«О́skemen-Altaı-Úlken Naryn-Katonqaraǵaı-Rahman qaınary» avtojolynyń 46-66 shaqyrym aralyǵyndaǵy ýchaskesi (qys aıaqtalǵansha deıin).
«О́skemen-Rıdder-Reseı Federasııasynyń shekarasy» avtojolynyń 94-104 shaqyrymy aralyǵyndaǵy ýchaskesinde (qys aıaqtalǵansha túngi ýaqytta saǵat 20:00-den 06:00-ǵa deıin) kólik qozǵalysyna shekteý qoıylady», delingen «QazAvtojol» AQ habarlamasynda.
Kompanııa mundaı shekteýler qys mezigilinde qaýipsizdikti saqtaý úshin engiziletinin eskertti.