Balýandar Astanada beldesedi

Keńes odaǵy dáýirinde dańqty Jańaarqa kú­res mektebiniń tú­legi Qanat Baısholaqovtyń (48 kg) esimi erekshe qurmetpen atalatyn. Osydan týra 40 jyl buryn, ıaǵnı 1984 jyly Ispanııanyń astanasy – Madrıdte ótken álem chempıonatynda ol bas júl­­deni qanjyǵasyna baılady. Osylaısha, Dıqanbaı Bıtkózov pen Marat Jaqıtovtyń shákirti qazaq samboshylary arasynan shyqqan tuńǵysh álem chempıo­ny retinde tarıhta qaldy. Arada bes jyl ótkennen keıin Qa­nattyń erligin Asqar Shaı­hıev (48 kg) qaı­talady. Batyr Qýanyshevtan tálim-tárbıe alǵan Oraldyń oǵy­lany 1989 jyly AQSh-tyń Ýest-Orındj qalasynda altyn tu­ǵyr­dan qol bulǵady. Al Jańa­ar­qanyń taǵy bir týmasy Sergeı Volo­býev (74 kg) kúmis medaldy moınynda jarqyratty.

1992 jyldan beri elimiz táýelsiz memleket retinde óz týynyń astynda óner kórsete bas­tady. Sol kezderi sambo kúre­siniń basy-qasynda júrgen azamattar arasynda jik shyǵyp, ekige bólindi. Árqaısysy fede­rasııa quryp, álemdik dodany jeke-jeke ótkizdi. Elimiz Be­larýstegi básekege baǵyt aldy. Mınskide samboshylarymyz alty júlde oljalady. Erjan Iman­júsipov (48 kg) pen Sálken Jartybaev (68 kg) kúmispen kúptelse, Janat Baısholaqov (62 kg), Lıýdmıla Sımýtına (44 kg), Aısara Kerimbekova (48 kg), Sáý­le Ǵabdýllına (56 kg) qolaǵa qol jetkizdi.

Odan keıingi álem chempıo­nat­tarynda júlde alǵan el samboshylary:

1993 j., Omby (Reseı). Baýyrjan Sadyhanov (52 kg) – altyn; Ǵalymjan Sapar­ǵalıev (48 kg), Rýslan Seıilhanov (82 kg) – kú­mis; Ǵalymjan Jylkeldıev (57 kg), Sálken Jartybaev (68 kg) – qola.

1994 j., Novı Sad (Iýgoslavııa, Ser­bııa). Ǵalymjan Saparǵalıev (48 kg), Ǵa­lymjan Jylkeldıev (57 kg), Zeken Sháı­merdenov (62 kg), Sálken Jartybaev (68 kg), Rýslan Seıilhanov (82 kg) – qola.

1996 j., Tokıo (Japonııa). Sáýle Ǵabdýllına (56 kg) – altyn; Maǵrıpa Ábi­she­va (52 kg) – kúmis; Qorǵan Turymbetov (52 kg), Berik Jetpisbaev (62 kg), Jamal Bozova (80 kg) – qola.

1997 j., Tbılısı (Grýzııa). Dinmuhamed Músirálıev (74 kg) – qola.

1998 j., Kalınıngrad (Reseı). Qonys Jetpisov (52 kg) – kúmis; Ashat Shaharov (68 kg), Sáýle Ǵabdýllına (56 kg) – qola.

1999 j., Hıhon (Ispanııa). Qonys Jetpisov (52 kg), Ashat Shaharov (68 kg) – kú­mis; Raısa Baıalıeva (64 kg), Almagúl Kashına (80 kg) – qola.

2000 j., Kıev (Ýkraına). Ashat Shaharov (74 kg) – altyn; Dinmuhamed Músirálıev (82 kg), Raısa Baıalıeva (64 kg) – qola.

2001 j., Krasnoıarsk (Reseı). Qonys Jetpisov (52 kg) – altyn; Sáýle Ǵabdýllına (56 kg) – kúmis; Janar Dúısekenova (52 kg), Al­­magúl Kashına (+80 kg) – qola.

2002 j., Panama. Dinmuhamed Músir-álıev (82 kg), Alena Sereda (60 kg) – kúmis); Tatıana Shıshkına (48 kg), Murat Dosanov (52 kg), Aı­bek Atajanov (62 kg), Ashat Shaharov (74 kg), Rasýl Úsenov (90 kg) – qola.

2003 j., Sankt-Peterbýrg (Reseı). Bir­les Esenǵalıev (52 kg), Marat Tahanov (57 kg), Qaırat Kúnsafın (68 kg) – qola.

2004 j., Kıshınev (Moldova). Ashat Shaharov (74 kg) – altyn; Birles Esenǵalıev (52 kg), Meńdihan Jákenov (57 kg) – qola.

2005 j., Astana (Qazaqstan). Ashat Shaharov (74 kg) – altyn; Dıdar Mol­daǵalıev (57 kg), Arsen Hatıp (68 kg), Juldyz Aıtma­ǵambetova (72 kg) – kúmis; Tımýr Ońdaǵanov (62 kg), Din­muhamed Músirálıev (82 kg), Kel­bet Nurǵazına (48 kg), Raısa Baıa­lıeva (60 kg), Dınara Oraz­bekova (80 kg), Almagúl Kashına (+80 kg) – qola.

2007 j., Praga (Chehııa). Raısa Baıalıeva (60 kg) – altyn; Erbolat Baıbatyrov (52 kg), Azamat Muqanov (62 kg), Asylbek Álkeı (68 kg) – qola.

2008 j., Sankt-Peterbýrg (Reseı). Erbolat Baıbatyrov (52 kg) – altyn; Kelbet Nurǵazına (48 kg) – kúmis; Azamat Muqanov (62 kg), Lenarııa Meńǵazova (52 kg) – qola.

2009 j., Salonıkı (Grekııa). Erbolat Baıbatyrov (57 kg), Dáýren Jaınaqov (57 kg) – altyn; Arman Sársenbın (68 kg), Qaljan Taı­janova (68 kg), Álııa Jylqybaeva (72 kg) – kúmis; Azamat Muqanov (62 kg), Asylbek Álkeı (68 kg) – qola.

2010 j., Tashkent (О́zbekstan). Erbolat Baıbatyrov (52 kg), Azamat Muqanov (62 kg) – altyn; Álııa Jylqybaeva (72 kg) – kúmis; Arsen Hatıp (68 kg), Saıat Shámshıev (82 kg), Lenarııa Meńǵazova (52 kg), Álmıra Isa­taeva (64 kg), Anar Seıtimova (+80 kg) – qola.

2011 j., Vılnıýs (Lıtva). Erbolat Baıbatyrov (57 kg) – altyn; Medet Ońdaǵanov (52 kg) – kúmis; Asylbek Álkeı (68 kg), Raý­shan Alysbaeva (56 kg) – qola.

2012 j., Mınsk (Belarýs). Asylbek Álkeı (68 kg), Qaljan Taıjanova (72 kg) – kúmis; Kenjezárý Qashqynova (48 kg), Dilbar О́mirálıeva (68 kg), Erbolat Baıbatyrov (57 kg), Baǵdat Jarylǵasov (62 kg), Azamat Mu­qanov (68 kg) – qola.

2013 j., Sankt-Peterbýrg (Re­seı). Almas Súleımenov (52 kg), Dildásh Qurysh­baeva (68 kg) – qola.

2014 j., Narıta (Japonııa). Gaýhar Turmahanova (52 kg) – altyn; Dildásh Qu­rysh­baeva (68 kg) – kúmis; Eset Qýanov (62 kg), Asylbek Álkeı (74 kg), Edil Úsenov (+100 kg) – qola.

2015 j., Kasablanka (Marokko). Beıim­bet Qanjanov (52 kg) – altyn; Aıgúl Baı­qulova (48 kg), Gaýhar Turmahanova (52 kg) – kúmis; Eset Qýanov (62 kg), Dildásh Qurysh­baeva (68 kg) – qola.

2017 j., Sochı (Reseı). Eset Qýanov (52 kg) – altyn; Beıimbet Qanjanov (52 kg), Álibek Ze­kenov (90 kg) – kúmis; Gúlnur Erbolova (52 kg), Aı­da Karchaeva (56 kg) – qola.

2018 j., Býharest (Rýmynııa). Nurbol Serikov (68 kg) – altyn; Gúlnur Erbolova (52 kg) – qola.

2019 j., Seýl (Ońtústik Koreıa). Bo­latbek Raıymqulov (52 kg), Dildásh Qurysh­baeva (68 kg) – kúmis; Rahat Jańanıet (62 kg), Dınara Jumabaeva (60 kg), Ajar Salyqova (64 kg) – qola.

2021 j., Tashkent (О́zbekstan). Rahat Jańanıet (64 kg), Gúljanat Almuhanbetova (54 kg) – altyn; Ajar Salyqova (62 kg), Dil­dásh Quryshbaeva (68 kg) – kúmis; Bolatbek Raıym­qulov (58 kg), Aıdyn Dartaev (79 kg) – qola.

2022 j., Bishkek (Qyrǵyzstan). Qaıyr­berdi Aıdynbaı (58 kg) – kúmis; Arnur Qýantaı (71 kg), Gúljanat Almuhanbetova (54 kg), Dildásh Quryshbaeva (68 kg), Araılym Ábenova (+80 kg) – qola.

2023 j., Erevan (Armenııa). Araılym Ábenova (+80 kg) – altyn, fınalda Oryn­bordyń qazaǵy Janar Qusanovany jeńdi; Elaman Qoıshybaev (88 kg), Margarıta Ba­jaeva (50 kg) – kúmis; Arnur Qýantaı (71 kg), Álibek Zekenov (98 kg), Gúljanat Almuhan­betova (54 kg), Shynar Abatova (78 kg) – qola.