Bundaı jaǵdaı aýa raıynyń nasharlaýyna baılanysty bolyp otyr, dep habarlaıdy Egemen.kz.
Qaraǵandy oblysy bilim basqarmasynyń habarlaýynsha 7 qarashada aýa raıynyń qolaısyzdyǵyna baılanysty birinshi aýysym 0-11 synyp oqýshylarynyń, 1-2 kýrs kolledj stýdentteriniń sabaqtary qashyqtan oqýǵa kóshiriledi.
Balqash jáne Prıozersk qalalary shtattyq formatta oqıdy.
Aqmola oblysynda: 1 aýysym 0-11 synyptar: Astrahan, Atbasar, Shortandy, Aqkól, Jaqsy, Ereımentaý, Esil aýdandaryndaǵy qala mektepteri, Jarqaıyń aýdanynyń mektepteri, Sandyqtaý aýdanynyń 2 mektebi. 0-9 synyptar: Qosshy qalasy, Selınograd, Stepnogorsk qalasy, Egindikól, Birjan sal, Arshaly aýdandary.1-4 synyptar: Kókshetaý qalasy, Zerendi aýdany.
Pavlodar oblysynda 7 qarashada birinshi aýysymdaǵy mektepaldy, 1-11 synyp oqýshylarynyń jáne 1-2 kýrs kolledj stýdentteriniń sabaqtary qashyqtan oqý formatyna aýystyrylady.
Eske salaıyq, «QazAvtoJol» UK» AQ málimetinshe qatty jel jáne kórinýdiń shektelýine baılanysty 5 óńirdegi respýblıkalyq mańyzy bar avtojoldardyń 10 ýchaskesinde qozǵalys jabyq jáne shektelgen. Aqtóbe, Aqmola, Qostanaı, Jambyl, Túrkistan oblystarynda kólik quraldarynyń barlyq túrleriniń qozǵalysy jabyq.
QR TJM Strategııalyq josparlaý jáne jedel basqarý komandalyq ortalyǵynda 8 (7172) 70-41-14, sondaı-aq Aqmola oblysynyń TJD 8(7162) 52-09-50 jedel jelisiniń telefony ashyldy.