Eńbek jáne halyqty áleýmettik qorǵaý mınıstrligi 2025 jyly Qazaqstanda birqatar tólemder men járdemaqylardyń mólsheri qalaı ózgeretinin aıtty, dep habarlaıdy Egemen.kz.
Áleýmettik kodekske sáıkes balalary bar otbasylarǵa respýblıkalyq bıýdjet qarajatynan tómendegideı járdemaqylar taǵaıyndalady:
1) Balanyń týýyna baılanysty birjolǵy memlekettik járdemaqy:
1-shi, 2-shi, 3-shi bala týylǵan kezde-149 416 teńge (38 AEK);
4 jáne odan kóp bala týǵan kezde-247 716 teńge (63 AEK).
2) Bala bir jarym jasqa tolǵannan keıin oǵan kútim jasaý jónindegi aı saıynǵy memlekettik járdemaqy (jumys istemeıtin áıelder úshin):
birinshi balaǵa - 22 649 teńge (5,76 AEK);
ekinshi balaǵa - 26 777 teńge (6,81 AEK);
úshinshi balaǵa - 30 867 teńge (7,85 AEK);
tórtinshi jáne odan da kóp balaǵa - 34 995 teńge (8,90 AEK).
3) Tórt jáne odan da kóp birge turatyn kámeletke tolmaǵan balalary bar, onyń ishinde jalpy orta, orta bilimnen keıingi nemese joǵary bilim alatyn balalary bar kóp balaly otbasylarǵa olar 18 jasqa tolǵannan keıin aı saıynǵy memlekettik járdemaqy.
Járdemaqy mólsheri otbasyndaǵy balalardyń sanyna baılanysty belgilenedi:
4 balasy bar otbasylarǵa - 63 030 teńge (16,03 AEK);5 balasy bar otbasylarǵa - 78 798 teńge (20,04 AEK);6 balasy bar otbasylarǵa - 94 565 teńge (24,05 AEK);7 balasy bar otbasylarǵa - 110 332 teńge (28,06 AEK);
8 jáne odan kóp balasy bar otbasylarǵa - ár balaǵa 15 728 teńgeden (4 AEK).
4) «Altyn alqa», «Kúmis alqa» alqalarymen nagradtalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen nagradtalǵan kóp balaly analarǵa aı saıynǵy memlekettik járdemaqy:
«Altyn alqa» alqalarymen nagradtalǵan nemese buryn «Batyr ana» ataǵyn alǵan jáne I jáne II dárejeli «Ana dańqy» ordenimen nagradtalǵan analarǵa - 29 097 teńge (7,4 AEK);
«Kúmis alqa» alqalarymen marapattalǵandarǵa – 25 165 teńge (6,4 AEK).
5) múgedek balany tárbıelep otyrǵan anaǵa nemese ákege, bala asyrap alýshyǵa, qamqorshyǵa ol 18 jasqa tolǵanǵa deıin taǵaıyndalatyn jáne tólenetin memlekettik járdemaqy 74 428 teńge mólsherinde tólenedi.
2025 jyly respýblıkalyq bıýdjetten joǵaryda atalǵan jeńildiktermen qatar zeınetaqy mólsheri de ósedi:
1) Jasy jáne eńbek ótili boıynsha zeınetaqy tólemderi (birlesken zeınetaqy) – 8,5 paıyzǵa, ınflıasııadan 2 paıyzǵa (6,5+2) ozyp ketti.
Eńbek mınıstrligi atap ótkendeı, yntymaqty zeınetaqy mólsherin qolaıly deńgeıde ustap turý úshin olardyń mólsheri jyl saıyn ınflıasııa deńgeıinen eki paıyzǵa ozyp ındeksteledi.
Nátıjesinde zeınetaqy mólsheri:
Eń tómengi mólsheri - 62 771 teńge;
Eń joǵarǵy mólsheri - 162 195 teńge.
2) Bazalyq zeınetaqy tólemi - 6,5 paıyzǵa:
Eń tómengi mólsheri - 32 360 teńge;Eń joǵarǵy mólsheri-50 851 teńge.
Bazalyq jáne yntymaqty tólemderdi eskere otyryp zeınetaqynyń jalpy mólsheri:
Zeınetaqynyń eń tómengi mólsheri - 95 131 teńge;
Zeınetaqynyń eń joǵary mólsheri - 213 046 teńge;
3) №1 jáne №2 tizimder boıynsha memlekettik arnaýly járdemaqy (jerasty jáne ashyq taý - ken jumystarynda, eńbek jaǵdaılary asa zııandy jáne asa aýyr jumys oryndarynda jumys istegen adamdar úshin) - 6,5 paıyzǵa.
Tólemder mólsheri:
№ 1 Tizim boıynsha - 37 040 teńge (9,42 AEK);№ 2 Tizim boıynsha - 32 951 teńge (8,38 AEK).
4) Jerleýge arnalǵan járdemaqy - 6,5 paıyzǵa.
Járdemaqy mólsheri:
Uly Otan soǵysynyń qatysýshylary men múgedekteri bar adamdarǵa - 142 912 teńge (36,6 AEK);
Zeınetkerlerge, Memlekettik áleýmettik járdemaqylardy alýshylarǵa (múgedektigi boıynsha, asyraýshysynan aıyrylý jaǵdaıy boıynsha) jáne №1 jáne №2 tizimder boıynsha memlekettik arnaıy járdemaqylardy alýshylarǵa – 137 620 teńge (35 AEK).
5) Arnaýly kásiptik memlekettik járdemaqy (zeınetkerlik jasqa tolǵanǵa deıin, 55 jastan bastap, zııandy eńbek jaǵdaılarynda jumys isteıtin qyzmetkerler úshin) - 6,5 paıyzǵa. Járdemaqy mólsheri 92 456 teńgeni (2 PM) quraıdy.
6) I toptaǵy múgedek adamǵa kútim jasaýdy júzege asyratyn adamǵa memlekettik járdemaqy - 6,5 paıyzǵa. Járdemaqy mólsheri 74 428 teńgeni (1,61 PM) quraıdy.
7) Arnaýly memlekettik járdemaqynyń mólsheri de 6,5 paıyzǵa artady jáne mynalardy quraıdy:
UOS múgedektigi bar adamdarǵa - 62 912 teńge (16 AEK);
UOS qatysýshylaryna - 62 912 teńge (16 AEK);
UOS múgedektigi bar adamdarǵa teńestirilgen adamdarǵa - 29 687 teńge (7,55 AEK);
UOS qatysýshylaryna teńestirilgen tulǵalarǵa - 24 340 teńge (6,19 AEK);
UOS – da qaza tapqan jaýyngerlerdiń jesirlerine-17 616 teńge (4,48 AEK);
UOS múgedektigi bar qaıtys bolǵan adamdardyń áıelderine (kúıeýlerine) – 10 066 teńge (2,56 AEK);
Sosıalıstik Eńbek, Keńes Odaǵynyń Batyrlaryna, UOS qatysýshylary arasynan shyqqan Sosıalıstik Eńbek batyrlaryna, Keńes Odaǵynyń Batyrlaryna, «Qazaqstannyń ǵaryshker-ushqyshy» – 545 094 teńge (138,63 AEK);
«Halyq Qaharmany», «Qazaqstannyń Eńbek er» ataǵyna ıe bolǵan adamdarǵa – 545 094 teńge (138,63 AEK);
Qaza tapqan (habar-osharsyz ketken) áskerı qyzmetshilerdiń otbasylaryna - 18 048 teńge (4,59 AEK);
UOS jyldaryndaǵy tyl eńbekkerlerine (38 963 adam) – 8 376 teńge (2,13 AEK);
Chernobyl AES-na apatty joıýǵa qatysýshylarǵa - 18 874 teńge (4,80 AEK);
I jáne II toptaǵy múgedek adamdarǵa - 6 724 teńge (1,71 AEK);
III toptaǵy múgedektigi bar adamdarǵa - 2 910 teńge (0,74 AEK);
7 jasqa deıingi múgedektigi bar balalarǵa - 4 326 teńge (1,10 AEK);
Múgedektigi bar nemese zeınetker bolyp tabylatyn saıası qýǵyn-súrgin qurbandaryna - 4 837 teńge (1,23 AEK);
Erekshe eńbegi úshin zeınetaqy taǵaıyndalǵan adamdarǵa (139 adam) - 4 837 teńge (1,23 AEK);
Basqa memleketterdiń aýmaǵyndaǵy urys qımyldarynyń ardagerlerine, onyń ishinde: Aýǵanstanda – 24 340 teńge (6,19 AEK); Tájik-aýǵan sektorynda, Iraktaǵy bitimgershilik kúshteri, Taýly Qarabaqta – 18 874 teńge (4,80 AEK) tólenedi.
Valıýta baǵamy Qazaqstandaǵy tólemderdiń mólsherine áser ete me?
Qazaqstanda respýblıkalyq bıýdjet jyl saıyn áleýmettik-ekonomıkalyq damý boljamyn eskere otyryp, josparly kezeńge ázirlenedi.
Áleýmettik kodekske sáıkes bazalyq zeınetaqy tóleminiń jáne respýblıkalyq bıýdjetten beriletin barlyq járdemaqylardyń mólsheri respýblıkalyq bıýdjet týraly zańda tıisti qarjy jylyna belgilenetin AEK mólsheriniń eseliginen jáne eń tómengi kúnkóris deńgeıinen aıqyndalady.
«2025 jylǵa arnalǵan ınflıasııa deńgeıi 2024 jylǵa qaraǵanda 6,5 paıyzdy quraıdy. Osyǵan baılanysty 2025-2027 jyldarǵa arnalǵan respýblıkalyq bıýdjet týraly zań jobasynda 2025 jylǵa arnalǵan áleýmettik tólemder mólsherin esepteý úshin áleýmettik sala kórsetkishteriniń mólsheri: AEK – 3 932 teńge; JM – 46 228 teńge bolyp belgilendi. Baıandalǵannyń negizinde valıýta baǵamy áleýmettik tólemderdiń mólsherine áser etpeıdi», dep habarlady Eńbek mınıstrligi.