Búgin, 9 qarasha kúni Astanada terrorızmge qarsy oqý-jattyǵý ótedi, dep habarlaıdy Egemen.kz.
Bul týraly Qazaqstan Respýblıkasynyń Terrorızmge qarsy ortalyǵynyń baspasóz qyzmeti habarlady.
«9 qarashada saǵat 7:00 - 14:00 aralyǵynda Elordalyq terrorızmge qarsy kúres jónindegi jedel shtabymen Astana qalasy aýmaǵynda «Veterenarııa boıynsha ulttyq referenttik ortalyq» jaǵdaıynda (Abaıdyń 150 jyldyǵy kóshesi, 22/3 úı) terrorızmge qarsy josparly oqý-jattyǵý ótkizý kózdelgen», delingen habarlamada.
Is-sharanyń maqsaty – quqyq qorǵaý jáne arnaıy qyzmet organdary kúsh-quraldarynyń terrorızm qaýipterine qarsy jedel áreket etý daıyndyǵyn tekserý.
Oqý-jattyǵý aıasynda belgili deńgeıde tyıymdar men qalanyń keıbir aýdandarynda jaıaý júrý jáne kólik qozǵalystaryna ýaqytsha shekteýler engizý qarastyrylǵan.
«Osyǵan oraı, azamattardy ótip jatqan sharaǵa túsinikpen qaraýǵa, qaýipsizdik sharalaryn saqtaýǵa, memlekettik organdar qyzmetkerleriniń zańdy talaptaryn oryndaýǵa, tek resmı aqparat kózderine senýge jáne jalǵan aqparattardyń taralýyna jol bermeýge shaqyramyz», delingen ortalyqtyń baspasóz qyzmeti taratqan aqparatta.