Qorǵanys mınıstrligi Aqtóbe oblysyndaǵy MI-8 áskerı tikushaǵynyń qulaýyna baılanysty resmı túsinikteme berdi, dep habarlaıdy Egemen.kz.
«Bıylǵy 9 qarashada Aqtóbe oblysy Saryjar aýylynyń mańynda Áýe qorǵanysy kúshteri áskerı ınstıtýtynyń MI-8 tikushaǵy oqý-jattyǵý ushýlaryn oryndaý kezinde apatty jaǵdaıda qondy. Bortta bolǵan 3 ekıpaj múshesiniń 2-eýi aýrýhanaǵa jetkizildi. Olarǵa qajetti medısınalyq kómek kórsetildi», delingen resmı habarlamada.
О́kinishke qaraı ekıpaj músheleriniń biri qaza tapty.
«Avıasııalyq oqıǵanyń aldyn-ala sebebi – tehnıkalyq aqaýlyq. Oqıǵanyń mán-jaıy anyqtalyp jatyr. Jergilikti jerde vedomstvoaralyq jedel top jumysqa kiristi. Qarýly kúshterdiń basshylyǵy men Áýe qorǵanysy kúshteriniń qolbasshylyǵy qaza tapqan áskerı qyzmetshiniń týystary men jaqyndaryna kóńil aıtady», dep habarlady vedomstvo baspasóz qyzmeti.
Al marqumnyń týystaryna, sondaı-aq zardap shekkenderge barlyq qajetti kómek kórsetiledi.