«Tesla» kompanııasy álemdegi eń júırik polısııa elektr kóligin tanystyrdy.
Bul tehnıka AQSh-tyń tártip saqshylaryna arnap jasalǵan. «Tesla Model S Plaid» atty elektr kóligi jyldamdyqty 2 sekýnd ishinde saǵatyna 100 shaqyrymǵa deıin arttyra alady. Eń joǵary kórsetkishi – saǵatyna 322 shaqyrym. Jaqynda ónimniń alǵashqy nusqasy Los-Andjeles okrýgine jetkiziledi.
Qupııa jol
Ǵalymdar Tynyq muhıtynyń túbinen kirpishten qalanǵan jol tapty.
Gavaı araldarynyń soltústiginde ornalasqan tereń sý jotasyna jasalǵan ekspedısııa kezinde erekshe jańalyq ashyldy. Naqtyraq aıtqanda, muhıt túbinen sary kirpishten qalanǵan jol tabylǵan. Bul tańǵalarlyq kórinisti «Nautilus» zertteý kemesi kezdeısoq kezdestiripti. «Ocean Exploration Trust» uıymynyń zertteýshileri 3 000 metrden astam tereńdikte ornalasqan bul aımaqtyń qupııasyn zertteýge áli de umtylyp jatyr.
О́simdikter aıqaıy
О́simdikter jaraqat alǵanda nemese sýsyz qalǵanda, adam qulaǵy estimeıtin jıilikte dybystar shyǵarady.
Tel-Avıv ýnıversıtetiniń bıolog-ǵalymy Lılah Hadanıdiń jetekshiligimen júrgizilgen bul zertteý ósimdikterdiń dybys arqyly qorshaǵan ortaǵa belgi berý múmkindigin alǵash ret dáleldep otyr. Mundaı jańalyqtyń aýyl sharýashylyǵyna tıgizetin paıdasy zor bolýy múmkin. О́ıtkeni adamdar ósimdikterdiń «shóldegende» belgi bergenin anyqtap, olardy jetkilikti deńgeıde sýarady.