«Din máseleleri boıynsha bilikti mamandar daıarlaý» jobasy sheńberinde Pavlodar oblysynda aqparattyq-túsindirý toptarynyń múshelerine arnalǵan oqytý semınarlary men trenıngteri iske asyryldy, dep habarlaıdy Egemen.kz.
Bıyl qyrkúıek aıynyń 23-24 kúnderi Pavlodar qalasyndaǵy «Shańyraq» konsert-zalynyń májilis zalynda jáne Ekibastuz qalasyndaǵy Estaı atyndaǵy balalar mýzyka mektebiniń májilis zalynda Qazaqstan Respýblıkasy Mádenıet jáne aqparat mınıstrliginiń Din isteri komıtetiniń qoldaýymen «Rýhanı jańǵyrý» qoǵamdyq qorynyń uıymdastyrýymen din máseleri boıynsha bilikti mamandardy daıyndaýǵa baǵyttalǵan is-shara ótti. Oǵan «Din zertteý ortalyǵynyń», meshitterdiń, orta jáne joǵary oqý oryndarynyń jáne t.b mamandary, ımamdary, psıhologtary, teologtary qatysty.
Jıynda ıslamtanýshy Qojakeldıev Baýyrjan Ýbalhanuly «Mázháb ustaný» taqyrybynda jalpy teorııalyq aqparat berip, qatysýshylarmen jumys jasady. Sondaı-aq, «Ekstremızmmen kúrestiń sıpaty» taqyrybymen Qazaqstandaǵy dinı jaǵdaılardy túsindire otyra, oǵan qatysty kúrdeli suraqtarǵa jaýap berý ádisterin úıretti.
Sonymen qatar Seıtqalı Mırzada Shahmanuly «Oratorskoe masterstvo: Iskýsstvo pýblıchnyh vystýplenıı» taqyrybynda sóıleý tehnıkasyn meńgerýdiń tıimdi joldaryn atap ótip, durys tynys alýdy, únniń qulaqqa jaǵymdy, sózdiń, býynnyń ashyq, aıqyn bolýyna septigin tıgizetin tásildermen bólisti. Sondaı-aq, «Navykı vysokoeffektıvnyh lıýdeı» taqyrybynda jalpy teorııalyq aqparat berip, qatysýshylarmen jumys jasady.
Semınarlar men trenıngter barysynda qatysýshylar qoıǵan suraqtary boıynsha dáriskerlerden tushymdy jaýaptar aldy.