Din máseleleri boıynsha respýblıkalyq aqparattyq-túsindirý toby (RATT) qoǵamda dástúrli rýhanı-adamgershilik qundylyqtardy qalyptastyrý jáne dinı ekstremızmniń aldyn alý baǵytynda Batys Qazaqstan oblysynda túrli formattaǵy is-sharalar jáne semınarlar ótkizdi, dep habarlaıdy Egemen.kz.
Mádenıet jáne aqparat mınıstrligi Din isteri komıtetiniń arnaıy jobasy sheńberinde, din isteri basqarmasynyń qoldaýymen bekitilgen jospar boıynsha osy jyldyń 28 qazan - 1 qarasha kúnderi aralyǵynda ótkizilgen is-sharalarǵa respýblıkalyq aqparattyq-túsindirý tobynyń músheleri qatysty. Atap aıtqanda, olar Atyraý oblysy, «Shapaǵat» DDA japa shekkenderge kómek ortalyǵy» QQ teolog mamany Nýrgalıeva Aınagýl Izteleýovna, Astana qalasy «Dinderdi zertteý ortalyǵy» JShS teolog mamany Qojahmetova Talshyn Zarqymqyzy, «Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy» KEAQ Dinı ahýaldy taldaý jáne monıtorıng departamenti, fılosofııa ǵ.k., dırektor Malǵaraeva Záýre Boranqulqyzy, Aqtóbe oblysy «Ihsan» ortalyǵynyń teolog mamany Bısembaeva Roza Baqytqyzy.
Is-sharalardy uıymdastyrý barysynda, «Qyz tárbıesi – ult tárbıesi», «Otbasy men mekteptiń bala tárbıesindegi orny», «Áıelder arasynda rýhanı qundylyqtardy túsindirý jáne dinı saýattylyqty arttyrý», jáne t.b. taqyryptar sheńberinde Oral qalasynda jáne Syrym, Aqjaıyq, Jánibek, Kaztalov aýdandarynda meshitterdegi áıelder jamaǵatymen, túzetý mekemesindegi jazasyn óteýshi áıeldermen, jastarmen, jergilikti turǵyndarmen jáne t.b. kezdesýler ótkizildi.