Astanadaǵy aýrýhanaǵa Aqmola oblysy, Sabyndy aýylyndaǵy meshitte bolǵan jarylystan zardap shekken 17 adam jetkizildi, dep habarlaıdy Egemen.kz.
Astana qalasy Qoǵamdyq densaýlyq saqtaý basqarmasynyń málimetinshe, aýrýhanaǵa jetkizilgen adamdardyń on tórti eresek, úsheýi bala.
Zardap shekken 7 adam jansaqtaý bóliminde, taǵy 7 adam Astana qalasyndaǵy N1 qalalyq aýrýhananyń polıtravmatologııa, endoprotezdeý jáne kombýstıologııa bólimine ornalastyryldy. Aldyn ala dıagnoz - ártúrli dárejedegi termııalyq jalyn kúıik.
25-30 paıyz termııalyq kúıik alǵan úsh bala Astanadaǵy №2 balalar aýrýhanasynyń reanımasııa bólimine jatqyzyldy.