Balalar teatrynda kishkentaı kórermender spektakldi qalaı qabyldap jatqanyn ońaı baıqaısyń. Olar Er Tóstikke tap bermekshi bolǵan Jalmaýyz kempirge «aýlaq júr!», al qasqyrdy baıqamaǵan Qyzyl telpekke «Artyńa qara!» dep aıqaılaıdy. Alaıda qoıylymdaǵy oqıǵaǵa búldirshinder ǵana qaltqysyz senedi dep oılap qalmańyz.
Shekspırdiń «Otello» tragedııasyn kórip otyrǵan eresek kórermen balalyq ańǵaldyqpen, shamadan tys belsendilikpen, kóriniske kóńili ıip, Iаgony nemese dálirek aıtqanda, osy róldi oryndaýshy akterdi óltirip tastaıdy. Es jıyp, óziniń ne búldirgenin uǵynǵan kezde, álgi adam óz-ózine qol salady. Ańyzǵa súıensek, olardy birge jerlep, qulpytasqa «Úzdik akter men úzdik kórermenge» dep jazǵan eken.
Qalaı oılaısyz, kórkem týyndyny munshalyqty júrekke jaqyn qabyldaýǵa bola ma?