Qazaqstan SOR29 aıasynda BUU RKIK quramyna kiretin 197 eldiń ishinen tek 9-y ǵana usynǵan Transparenttilik boıynsha eki jyldyq esepti (Biennial Transparency report-BTR1) usynǵan el boldy, dep habarlaıdy Egemen.kz
Bul – Parıj kelisiminde qoıylǵan Klımattyq maqsattarǵa qol jetkizý boıynsha Qazaqstannyń Ortalyq Azııa óńirindegi kóshbasshylyǵyn rastaıdy. Osyǵan sáıkes, QR 2024 jylǵy 31 jeltoqsanǵa deıingi merzimde transparenttilik boıynsha eki jyldyq baıandamany (Biennial Transparency report – BTR1) usynýǵa mindetti.
Ekologııa jáne tabıǵı resýrstar mınıstrliginiń málim etýinshe BTR1 parnıktik gazdardy túgendeý jáne ONÝV oryndalýyn baqylaý týraly mindetti aqparatty qamtıdy. Sondaı-aq, BTR 1 klımattyń ózgerýiniń áseri jáne tehnologııalardy ázirleý jáne berý ári áleýetti arttyrý salasyndaǵy beıimdelý jáne qarjylyq qoldaý týraly aqparatty qamtıdy.
BTR1 negizgi bóligi «Jasyl damý» AQ daıyndaǵan parnıktik gazdar kózderinen antropogendik shyǵaryndylar jáne sińirgishterdiń sińirilýi týraly Ulttyq baıandama bolyp tabylady.
BUU RKIK Hatshylyǵynyń saıtynda https://unfccc.int/first-biennial-transparency-reports tolyǵyraq tanysýǵa bolady.