Serbııa Prezıdenti áleýmettik jelilerdegi paraqshalarynda Memleket basshysy Qasym-Jomart Toqaevtyń qurmetine keshki as berilgenin jáne Almatynyń áıgili aportyn syıǵa alǵanyn málimdedi, dep habarlaıdy Egemen.kz.
Serbııa Prezıdenti áleýmettik jelidegi paraqshasynda Memleket basshysy Qasym-Jomart Toqaevtyń qurmetine keshki as formatynda dostyq kezdesý ótkenin jazdy.
Memleket basshysy Qasym-Jomart Toqaev Aleksandr Výchıchke bir sandyq Almaty aportyn tartý etken.
Sondaı-aq Aleksandr Výchıch Serbııanyń dos elderge maqtanyshpen esigin ashatynyn jáne bul kesh osynyń taǵy bir dáleli ekenin atap ótti.
Esterińizge sala keteıik, 18 qarashada Qasym-Jomart Toqaevty Belgrad áýejaıynda Serbııa prezıdenti Aleksandr Výchıch qarsy alǵan bolatyn.
Aıta keteıik, Qazaqstan men Serbııa arasyndaǵy dıplomatııalyq qarym-qatynastyń ornaǵanyna 28 jyl toldy. Osy jyldar ishinde elder saýda, ınvestısııa jáne mádenıet salalaryndaǵy ekijaqty yntymaqtastyqty tereńdete tústi.