Qazaqstan musylmandary Dinı basqarmasy neke qııý kezinde eriniń qalyńdyǵyna beretin baǵaly syılyǵy nemese máhirdiń úkimin aıtty, dep habarlaıdy Egemen.kz.
«Qazaq dástúrinde qalyńmal – qalyńdyq úshin beriletin mal-dúnıe. Eki jas ajyrasqan jaǵdaıda qalyńdyq maly qyzdyń ıeliginde qalatyn bolǵan. Osy turǵydan qalyńmaldy máhir dep sanaýǵa bolady. Al «áke kúshi», «ana súti», taǵy da sol sııaqty qyzdyń áke-sheshesine, týystaryna beriletin mal-múlik máhirge sanalmaıdy», dep jazylǵan múftııattyń resmı saıtynda.
Aıta keteıik, máhir - otasqannan keıin er azamatynyń qalyńdyǵyna beretin baǵaly syıy. Sharıǵat zańyna sáıkes alda-jalda ekeýi ajyrassa ıakı kúıeýi qaıtys bolsa, áıeli máhirdi satyp nemese aıyrbastap kúneltedi.