Reseıdiń «Izvestııa» gazetinde jarııalanǵan Memleket basshysy Qasym-Jomart Toqaevtyń «Qazaqstan men Reseı: strategııalyq seriktestiktiń jańa kókjıegi» maqalasynda bilim salasyndaǵy yntymyqtastyq týraly baıandaldy, dep habarlaıdy Egemen.kz.
Qasym-Jomart Toqaev elimizdiń ońtústik aımaqtarynda orys mektepterin ashýdy josparlap jatqanyn aıtyp, soǵan sáıkes bizben irgeles jatqan Reseı qalalarynda da qazaq mektepteri ashylady degen senimin jetkizdi.
«Qazir Reseıdiń oqý oryndarynda Qazaqstannan barǵan 60 myńǵa jýyq stýdent bilim alyp júr. Astanada Máskeý memlekettik halyqaralyq qatynastar ınstıtýtynyń fılıalyn, al Ombyda ál-Farabı atyndaǵy Qazaq ulttyq ýnıversıtetiniń ókildigin ashý josparymyzda bar. Elimizde 3500-den astam mektep Pýshkın tilinde bilim beredi, telearnalar men radıostansııalar habar taratady, gazetter men jýrnaldar shyǵady. Barlyq derlik óńirde kórermenniń kózaıymy bolyp júrgen orys drama teatrlary bar», dedi Qasym-Jomart Toqaev.