Aqmola oblysynyń qalalary men aýyldarynda jańa sport keshenderi salynyp jatyr. Bul týraly Ortalyq kommýnıkasııalar qyzmetinde ótken brıfıngte oblys ákimi Marat Ahmetjanov aıtty, dep habarlaıdy Egemen.kz.
Marat Ahmetjanovtyń aıtýynsha, bıylǵy jyl oblys úshin jaqsy sport jańalyqtaryna toly bolǵan.
«Bıylǵy jyl oblys úshin jaqsy sport jańalyqtaryna toly boldy. Parıjde ótken jazǵy Olımpıadada bizdiń sportshylar jaqsy óner kórsetti. Bıylǵy jyly Qosshy, Esil qalalary men Mádenıet aýylynda sport keshenderi paıdalanýǵa berildi. Osy aıda Stepnogorsk qalasynda jańa sport kesheni ashylady. Sonymen qatar, Memleket basshysy Qasym-Jomart Toqaevtyń tapsyrmasy boıynsha Úkimet Zerendi aýylynda sport kesheniniń qurylysyna arnaıy memlekettik qordan qarjy bólý týraly sheshim qabyldady. Bul bastama aýyldyq jerlerde buqaralyq sportty jáne áleýmettik ınfraqurylymdy damytýǵa baǵyttalǵan», dedi Marat Ahmetjanov.
Eske salaıyq, XVII Jazǵy Paralımpıada oıyndarynda paýerlıftıngten Davıd Degtıarev chempıon atanǵan bolatyn.
Erkin Ǵabbasov nysana kózdeýden Paralımpıada oıyndarynyń kúmis júldegeri atandy.