Qasym-Jomart Toqaev mekteptiń bilim berý isindegi erekshelikterimen jáne oqýshylardyń zerthanalyq jumystarymen tanysty, dep habarlaıdy Egemen.kz Aqordanyń baspasóz qyzmetine silteme jasap.
Prezıdentke bul oqý ordasy «Aqtóbe oblysynyń shaǵyn jınaqty aýyl mektepteriniń áleýetin sıfrlyq tehnologııalardy qoldana otyryp damytý» pılottyq jobasyna engizilgeni jóninde aqparat berildi.
Qanatqaqty joba shaǵyn jınaqty mektepterde sıfrlyq tehnologııalardy qoldaný arqyly bilim berýdiń sapasy men oqytýdyń tıimdiligin arttyrýǵa baǵyttalǵan. Joba aıasynda muǵalimder qashyqtan tájirıbe almasady.
Memleket basshysy atalǵan bilim oshaǵyndaǵy jáne basqa da aýyl mektepterindegi oqýshylardyń ashyq sabaǵyna onlaın-rejımde qatysty.
Budan keıin Qasym-Jomart Toqaev shalǵaı eldi-mekenderde turatyn balalardyń bilim alýyna qolaıly jaǵdaı jasaý úshin mektepke avtobýs syıǵa tartty.