QR О́nerkásip jáne qurylys mınıstrligi Geologııa komıtetiniń tóraǵasy Erlan Aqbarovtyń aıtýynsha, sońǵy eki jylda Qazaqstannyń mıneraldyq-shıkizattyq bazasy aıtarlyqtaı keńeıdi, dep habarlaıdy Egemen.kz.
«Geologııalyq barlaý jumystarynyń nátıjeleri boıynsha 2023-2024 jyldary memlekettik esepke alǵash ret mynadaı ken oryndary qoıyldy: qatty paıdaly qazbalar — 27, kómirsýtek shıkizaty — 10, jerasty sýlary — 23. Sondaı-aq paıdaly qazbalardyń mynadaı túrleri boıynsha resýrstar men qorlardyń ósimi alyndy: Altyn - 522 tonna, kúmis - 281 myń tonna, hrom kenderi - 2 383 myń tonna, ýran - 44 myń tonna, mys — 12 893,6 myń tonna, fosforıt kenderi - 82 mıllıon tonna, munaı - 277 mıllıon tonna, gaz — 113 mıllıard tekshe metr, kondensat — 1,9 mıllıon tonna, jer asty sýlary — 155,8 myń tekshe metr», dedi Erlan Aqbarov.
Erlan Aqbarov atap ótkendeı, Qazaqstannyń mıneraldy-shıkizat bazasyna qatty jáne keń taralǵan paıdaly qazbalar, kómirsýtekter men jer asty sýlarynyń ken oryndary kiredi. Jalpy alǵanda, memleket balansynda qatty paıdaly qazbalardyń 987-den astam ken orny bar, onyń ishinde 355-i kómirsýtegi, 987-i qatty paıdaly qazbalar, 3666-sy keń taralǵan paıdaly qazbalar jáne 4540-y jer asty sýlary.