AQSh-tyń Vıskonsın shtatyndaǵy Medıson qalasyndaǵy hrıstıan mektebinde jasóspirim atys uıymdastyryp, saldarynan kem degende eki adam kóz jumdy, dep habarlaıdy Egemen.kz The New York Times basylymyna silteme jasap.
Oqıǵa ornyna jetken polıseıler kúdiktini ǵımarat ishinen óli kúıinde tapqan.
Polısııanyń málimetinshe, balabaqshadan 12-synypqa deıin 390-ǵa jýyq bala oqıtyn hrıstıan mektebinde atys saldarynan kem degende taǵy alty adam zardap shekken.
Medıson polısııasynyń basshysy Shon F.Barns atys bolǵan jerge barǵan ofıserler qarý qoldanbaǵanyn aıtty. Ol kúdiktiniń jasóspirim ekenin, boljam boıynsha osy mekteptiń oqýshysy ekenin túsindirgen.
Joǵary laýazymdy sheneýnikterdiń Medısondaǵy jergilikti bılik organdarymen baılanysta jáne qajetti kómek kórsetýge daıyn ekendigi atap ótildi.