Respýblıkalyq bıýdjette 20,8 trıllıon teńge shyǵystar jasalǵan, bul rette áleýmettik baǵytty saqtaýǵa basymdyq berilgen. Bul týraly qarjy vıse-mınıstri Erjan Birjanov málimdedi, dep habarlaıdy Egemen.kz.
Onyń aıtýynsha, memlekettik bıýdjet shyǵystary 94 paıyzǵa, respýblıkalyq bıýdjet 96 paıyzǵa, jergilikti bıýdjet 92 paıyzǵa oryndalǵan.
«Memleket negizgi áleýmettik mindettemelerin oryndady: 5,2 trln teńge zeınetaqy men járdemaqy; óńirlerge sýbvensııalar – 4,8 trln teńge; Mindetti medısınalyq saqtandyrý qorynyń nysanaly jarnasy 1,6 trln teńgeni quraıdy», dedi qarjy vıse-mınıstri.
Sondaı-aq jergilikti bıýdjet shyǵystary - 13 trln. Shyǵyndardyń negizgi úlesi áleýmettik salaǵa – 6,6 trıllıon teńge, turǵyn úı-kommýnaldyq sharýashylyqqa – 1,9 trıllıon teńge, kólik jáne kommýnıkasııaǵa – 1,2 trıllıon teńge jáne aýyl sharýashylyǵyna – 750 mıllıard teńge baǵyttalǵan.
Buǵan deıin Premer-mınıstrdiń orynbasary – Ulttyq ekonomıka mınıstri Nurlan Baıbazarov osy jyldyń qańtar-qazan aılarynda syrtqy saýda aınalymy $68,5 mlrd, onyń ishinde óńdelgen taýarlar eksporty 23,3 mlrd dollardy quraǵanyn habarlaǵan edi.