Májilis zaǵıptardyń jáne kórý qabileti buzylǵan nemese baspa aqparatyn qabyldaý qabileti ózgedeı shektelgen adamdardyń jarııa etilgen týyndylarǵa qol jetkizýin jeńildetý týraly Marrakesh shartyn ratıfıkasııalady. Qujatqa 2013 jyly 27 maýsymda Marrakesh qalasynda qol qoıylǵan, dep habarlaıdy Egemen.kz vedomstvonyń baspasóz qyzmetine silteme jasap.
Sharttyń negizgi erejelerinde onyń qatysýshylary jarııalanǵan týyndylardy qoljetimdi formattarda kóbeıtý, taratý jáne olarǵa jarııa qol jetkizýi úshin avtorlyq quqyqtar salasyndaǵy shekteýler men erekshelikter belgilengen.Sonymen qatar arnaıy ýákiletti organdardyń qyzmeti arqyly baspa aqparatyn qabyldaý úshin kórý qabileti buzylǵan nemese basqa da qabiletteri shektelgen adamdarǵa qoljetimdi formattarda týyndylarmen transshekaralyq almasýdy júzege asyrý qarastyrylǵan.Marrakesh shartynyń erejeleri aýdıokitaptarmen qosa kez kelgen BAQ-ta jarııalanǵan nemese basqa jolmen kópshilikke qoljetimdi mátin, notalyq jazba sekildi ıllıýstrasııalar túrindegi týyndylarǵa qoldanylady.Shartty ratıfıkasııalaý kórý qabileti buzylǵan nemese basqa da qabiletteri shektelgen adamdarǵa kitaptarǵa, jýrnaldarǵa, oqý materıaldaryna qoljetimdilikti keńeıtýge jáne qoǵamnyń mádenı, áleýmettik ómirine teń qol jetkizýin qamtamasyz etýge múmkindik beredi.