Bul týraly oblys ákimi Erbolat Dosaev Ortalyq kommýnıkasııalar qyzmetinde ótken brıfıng barysynda málimdedi, dep habarlaıdy Egemen.kz.
Esterińizge sala keteıik, «Saıran» 2000 jyldardyń ortasynda jekeshelendirilgen edi. 2018-2019 jyldary menshik ıesi ǵımarattyń negizgi modernızasııasyn júrgizgen.
«Biz bul avtovokzaldy úlken ishki kólik haby retinde qarastyramyz. Almaty qalasyn damytýdyń bas jospary men egjeı-tegjeıli josparlaryna sáıkes, avtovokzal qoǵamdyq jáne iskerlik aımaqta, atap aıtqanda, kóliktik qyzmet kórsetý nysandary aımaǵynda ornalasqandyqtan, jolaýshylardy tasymaldaýǵa óte yńǵaıly», dedi Erbolat Dosaev.
Qala basshysy avtovokzaldy odan ári qaıta jańǵyrtý jáne birtutas keshen qurý úshin ıelerimen arnaıy kelissózder júrgizilip jatqanyn atap ótti.