QR Prezıdenti Ákimshiliginiń kelisimimen jáne Túrkistan oblysy ákiminiń ókimimen Estibaev Asqar Sultanuly Túlkibas aýdanynyń ákimi bolyp taǵaıyndaldy, dep habarlaıdy Egemen.kz.
Túrkistan oblysynyń ákimi Darhan Satybaldy jańa ákimdi aýdan aktıvine tanystyrdy.
Esterińizge sala keteıik, Túlkibas aýdanynyń ákimi qyzmetin atqaryp kelgen Iztileýov Nurjan Jaqsylyquly basqa qyzmetke aýysýyna baılanysty qyzmetinen bosatyldy.
«Aýdannyń jańa ákimi depýtattarmen birlesip, aýdannyń áleýmettik-ekonomıkalyq damý kórsetkishterin kóterýge jáne turǵyndardyń ómir súrýine qolaıly jaǵdaı jasaýǵa, Prezıdentimizdiń saıasatyn júıeli túrde iske asyrýǵa bar kúsh-jigerin jumsaıdy dep senemin. Baǵyt aıqyn – ınvestısııa tartý, óndiris oryndaryn ashý, halyqtyń ál-aýqatyn kóterý», dedi Darhan Satybaldy.
Asqar Estibaev 1974 jyly 18 shildede Túlkibas aýdanynda dúnıege kelgen, bilimi joǵary. «Zańger», «ekonomıka» mamandyqtary boıynsha bilim alǵan.
Eńbek jolyn 1998 jyly Almaty qalasy Almaly aýdandyq sotynyń prıstavy bolyp bastaǵan.
2022 jyldyń qazan aıynan osy ýaqytqa deıin Túrkistan oblysy ákimi apparaty basshysynyń orynbasary bolǵan.