Mańyzdy kelisimge qol qoıyldy

«KAZENERGY» qaýymdastyǵynyń bas dırektory Jandos Nurmaǵanbetov Qazaqstandyq munaıshy-geolog­ter qoǵamymen kópjyldyq ynty­maq­tas­tyq forým, konferensııa jáne birlesken joba sııaqty baǵyttardy qamtıtynyn atap ótti.

Bul ózara is-qımyldyń mańyz­dy kezeńderiniń biri 2010 jyly Qazaq­stan­nyń munaı-gaz jáne geologııalyq salalaryn da­mytýǵa ba­ǵyt­talǵan árip­testik týraly shart­qa qol qoıý bol­dy. Jańa ke­li­sim jańa perspektıvalar ashatyn jáne ózara árekettesý múm­kin­dikterin keńeıtetin zamanaýı úrdisterdi, ınnovasııalardy jáne ǵylymı ázirlemelerdi eskeredi.

Qazaqstandyq munaıshy-geologter qo­ǵa­mynyń prezıdenti Baltabek Qýandyqov áriptestik qatynastardy nyǵaıtýdyń mańyzdylyǵyn atap ótti. Qa­­shaǵan ken ornynyń ashylýyna oraılastyrylǵan birlesken ǵylymı-praktıkalyq konferensııa yntymaqtastyqtyń mańyzdy kezeńi bol­maq. Bul is-shara 2025 jylǵa jos­par­­lanǵan jáne munaı jáne geo­logııa salasynyń mamandary arasynda tájirıbe, usynystar men úzdik tájirı­­­be­lermen almasýdy qam­tamasyz etýge, sondaı-aq sektor­dyń odan ári damýyna yqpal etýge arnalǵan.

Aıta ketý kerek, Baltabek Qýandyqov kóp jyldyq eńbektiń nátı­­jesi bolyp sanalatyn «Qazaqstan munaı jáne gaz ken oryndarynyń alǵash ashýshylary» atty kitapty syı­ǵa tartty.

Qol qoıylǵan qujattar tarap­tar­dyń seriktestikti nyǵaıtýǵa, ınno­vasııa­lardy damytýǵa jáne Qazaq­stannyń munaı-gaz jáne geolo­gııa­lyq salalarynda quzyret­tilik deńgeıin arttyrýǵa degen umtylysyn kórsetedi. Kelisimder munaı-gaz salasyn ornyqty damytý, aqparattyq-taldamalyq zertteýler júrgizý, sta­­­tıs­tıkalyq jáne taldamalyq ma­­te­rıaldar daıyndaý sııaqty sala­lardaǵy yntymaqtastyqty keńeıtýge ba­ǵyt­talǵan. Sonymen qatar olar ult­­tyq jáne halyqaralyq kásibı are­nada taraptardyń oń ımıdjin qalyptastyrýǵa yqpal etetin bolady.