Shymkent - Túrkistan baǵytynda jolaýshy tasymaldaıtyn taksı júrgizýshisi esirtki qylmysynyń betin ashýǵa sep bolǵan. Bul týraly Túrkistan oblystyq Polısııa departamenti málimdedi, dep jazady Egemen.kz.
Shymkent qalasynda belgisiz er adam taksı júrgizýshisine sálemdeme berip, ony Túrkistanda bir qyzdyń kútip alatynyn aıtqan.
Júrgizýshi basqa jolaýshylardy túsirip jatqanda sálemdemeni jerge qulatyp alǵan. Ondaǵy elektr sháınekten sıntetıkalyq esirtki salynǵan eki oram anyqtalǵan.
Er adam dereý polısııaǵa habarlasyp, mán-jaıdy túsindirgen. Jedel sharalar qabyldanyp, nátıjesinde sálemdemeni kútken jas qyz ustaldy.
Tergeý barysynda ol esirtkini jeke qoldanýǵa alǵanyn moıyndaǵan. Ustalǵan kúdiktige qatysty qylmystyq is qozǵalyp, sot sheshimimen jaýapqa tartyldy.